Першы намеснік міністра інфармацыйнай палітыкі Украіны Эмінэ Джапарава адмовілася пераходзіць на рускую мову падчас уключэння ў жывым эфіры расійскага тэлеканала.
Журналісты «Дождя» вырашылі ўзяць у чыноўніцы каментар адносна вызвалення намеснікаў старшыні Меджліса крымскататарскага народа Ільмі Умерава і Ахтэма Чыйгоза.
Джапарава пачала адказваць на ўкраінскай мове, пасля чаго вядучая Ганна Мангайт перапыніла яе, патлумачыўшы, што ў эфіры адсутнічае перакладчык і папрасіла намесніка міністра перайсці на рускую мову. У адказ на гэта Джапарава заявіла, што як афіцыйная асоба можа размаўляць толькі на ўкраінскай мове.
«Я прашу прабачэння, але я афіцыйная асоба, таму вымушаная размаўляць на ўкраінскай мове. Гэта мой свядомы выбар. Прашу мяне прабачыць і зразумець маю мову», — сказала яна.
У выніку чыноўніца дала каментар на ўкраінскай мове, а вядучая «Дождя» паспрабавала перакласці словы Джапаравай гледачам.
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»27
Каментары