Žadańnie zrabić efiektnaje sełfi na dachu histaryčnaha doma ŭ Maskvie skončyłasia trahiedyjaj — 27-hadovy chłopiec zvaliŭsia z dachu čaćviortaha paviercha i pamior u reanimacyi ŭ toj ža dzień.
Jak stała viadoma «MK», biełarus Vital Mašyc razam ź dziaŭčynaj zabraŭsia na dach staražytnaha budynka kala 11:20, a biada adbyłasia praz 20 chvilin. Jak tłumačyć brat chłopca, Vital chacieŭ zrabić fota, adnak pa nieaściarožnaści sarvaŭsia z dachu. Jon upaŭ prama pad vokny kramy, ekstrannyja słužby vyklikaŭ achoŭnik. Na momant pryjezdu «chutkaj dapamohi» Mašyc byŭ jašče žyvy. Vital atrymaŭ strašnyja traŭmy — pierałom asnovy čerapa, paryvy ŭnutranych orhanaŭ. Miedyki dastavili ŭ reanimacyju, sprabavali vyratavać, ale pacyjent pamior.
Ciapier siabry źbirajuć hrošy na pierapraŭku cieła na radzimu. Vital rodam z Homiela. Pa natury jon byŭ ekstremałam, lubiŭ fatahrafavacca ŭ niezvyčajnych miescach. Chłopiec padpracoŭvaŭ, zajmajučysia pramysłovym alpinizmam. Kala hoda žyŭ u Sankt-Pieciarburhu, try miesiacy padarožničaŭ pa Krymie, padymaŭsia na haru Aj-Pietry. Kala dvuch tydniaŭ tamu Mašyc viarnuŭsia ŭ Maskvu.
Kamientary