#pamiatajem1937: historyja siamji Siniaŭskich

U maich prapradzieda Fadzieja Valkoviča i praprababki Aneli z Drazdova, što mieli svaju siadzibu i haspadarku (dom, ziamla, stajnia, karoŭnik, sad) u Biełym Bałocie (heta za vosiem kiłamietraŭ ad v. Kopišča Minskaha rajona) było siamiora dziaciej. Ale ŭ ich žyćcio naprykancy 20-ch hh. nachabna ŭvarvałasia dziaržava, rastaptaŭšy ichnija losy. Spačatku heta było raskułačvańnie, kali adabrali ŭsiu majomaść, zdabytuju ŭłasnaj pracaj, raskidaŭšy niekali družnuju siamju pa ŭsim śviecie, a niekatorych jaje čalcoŭ pazbaviŭšy žyćcia i dobraha imia, a ichnich dziaciej — baćkoŭ. Z taho času čyrvonyja kryvavyja klušni NKVD užo nie vypuskali ad siabie nikoha, chto nie paśpieŭ vykaraskacca… Voś jak skłaŭsia los dziaciej Aneli i Fadzieja, maich pradziedaŭ pa kudzieli. Mikoła Valkovič, starejšy syn i moj pradzied, baćka majho dzieda.

Valkovič Mikałaj Fadziejevič
Miesca naradžeńnia: ch. Biełaje Bałota Papiernienskaha sielsaviet Minskaha r-na
Poł: mužčyna
Nacyjanalnaść: biełarus
Adukacyja: n/pačatkovaja
Prafiesija/miesca pracy: kałhaśnik, kałhas «Balšavik»
Miesca pražyvańnia: Minskaja vobł., Minski r-n, u Kałodziščach sielsaviet ch. Repje
Data aryštu: 20 listapada 1937 h.
Abvinavačvańnie: 72 KK BSSR — A/s ahitacyja
Asudžany: 29 listapada 1937 h.
Sudovy orhan: «trojka»
Prysud: 10 hadoŭ PPŁ, adbyvaŭ: Ciemnikaŭski PPŁ Mard.ASSR, pamior 1940/09/03, u PPŁ
Data reabilitacyi: 30 krasavika 1989 h.
Reabilit. orhan: Prakuratura Minsk. vobł.
Archiŭnaja sprava: KDB RB — 25486-s

Krynicy dadzienych: BD «Achviary palityčnaha teroru ŭ SSSR»; Biełaruski «Memaryjał», to bok byŭ zakatavany ŭ sumnaviadomym Ciemnikaŭskim HUŁAHu.

Alaksandr Valkovič, 1886 h.n., paśla žanićby žyŭ u Moŭčanach, represavany, dadzienych pa im nie znajšła.

Chviedar Valkovič, udałosia paźbiehnuć represavańnia, bo, jak kazała babka, byŭ u kałhasie ŭmiełym kavalom, pamior u 1966 hodzie;

Leštyna Valkovič, 1888 h.n., jaje vyratavała toje, što jana jašče da tych kryvavych padziej pabrałasia šlubam i źjechała z mužam u Biełastok. Pamierła ŭ kancy 50-ch.

Valkovič Ivan Fadziejevič
Data naradžeńnia: 1884 h.
Miesca naradžeńnia: s. Biełaje Bałota Astrašycka-Haradockaha r-na Minskaj akruhi
Poł: mužčyna
Nacyjanalnaść: biełarus
Adukacyja: n/pačatkovaja
Prafiesija/miesca pracy: sielanin, adnaasobnaja haspadarka
Miesca pražyvańnia: Minskaja vobł., Astrašycka-Haradocki r-n, v. Biełaje Bałota
Data aryštu: 19 maja 1928 h.
Abvinavačvańnie: 58/13 KK RSFSR — a/s dziejnaść
Asudžany: 22 vieraśnia 1928 h.
Sudovy orhan: OSO
Prysud: 3 hady PPŁ, adbyŭšy: Viackaj hub.
Data reabilitacyi 20 lipienia 1992 h.
Reabilit. orhan: Prakuratura
Archiŭnaja sprava: KDB RB — 34229-s

Krynicy dadzienych: BD «Achviary palityčnaha teroru ŭ SSSR»; Biełaruski «Memaryjał».

Maryja Valkovič, 1892 h.n., vučyłasia ŭ Maskvie, ale ŭ 1919 hodzie, pabačyŭšy źvierstvy balšavikoŭ, ciažka zachvareła na niervovy razład, viarnułasia ŭ Biełaje Bałota i na 27-m hodzie pamierła.

Iosif Valkovič, byŭ rasstralany
Data naradžeńnia: 1890 h.
Miesca naradžeńnia: Minskaja vobł., v. Biełaje Bałota
Poł: mužčyna
Nacyjanalnaść: biełarus
Prafiesija/miesca pracy: blachar
Miesca pražyvańnia: Pryisk «Safijski» DVK.
Data aryštu: 11 lutaha 1933 h.
Abvinavačvańnie: st.
Asudžany: 5 žniŭnia 1933 h.
Sudovy orhan: Trojka pry PP AHPU pa DVK
Artykuł: 58, p. 10, 58, p. 11 KK RSFSR
Prysud: 3 hady PPŁ
Data reabilitacyi 22 krasavika 1960 h.
Reabilit orhan: Pa pastanovie Prezidyuma Chabaraŭskaha krajavoha suda
Padstavy reabilitacyi: za adsutnaściu składu złačynstva.
Archiŭnaja sprava: P-86272

Krynicy dadzienych: BD «Achviary palityčnaha teroru ŭ SSSR»; Kniha pamiaci Chabaraŭskaha kraja.

A na fota — nie moj pradzied Mikoła, navat fotazdymka nie zastałosia ad hetaha pracavitaha, hodnaha va ŭsich sensach čałavieka. Heta jaho dzieci, dzieci voraha naroda, moj dzied Andrej i jaho siastra Tania. Što vypała na ich sirockija staptanyja losy — heta asobnaja historyja…

• 0
• 0
• 0
• 0
• 0
• 0
• 0
• 0