Uva ŭsich vyklikanych u rozny čas byli skanfiskavanyja vydańni i ličbavyja nośbity. KDB padazraje ekstremiscki źmiest i choča, kab sud vyznačyŭ heta.
Zajavu ŭ sud nakiravała haradzienskaja abłasnaja ŭprava KDB.Uva ŭsich vyklikanych u rozny čas byli skanfiskavanyja vydańni, u jakich KDB padazraje ekstremiscki źmiest i choča, kab sud vyznačyŭ heta dakładna.
Andžej Pisalnik pracavaŭ dahetul karespandentam polskaj hazety «Rzeczpospolita» ŭ Maskvie, ciapier jon adpačyvaje paśla chvaroby doma ŭ Horadni. Dva z pałovaj hady tamu haradzienskija mytniki skanfiskavali ŭ Pisalnika, kali jon viartaŭsia z Polščy, hazetu «Głos znad Niemna na uchodźstwie». Ciapier hety hazetny paasobnik fihuruje ŭ zajavie KDB u sud.
«Usio heta nahadvaje niejkuju šyrokuju akcyju, navat biesprecedentnuju, bo raniej ja nia čuŭ, kab takuju praceduru pačynali orhany KDB, — havoryć Andžej Pisalnik. — Moža, heta sproba stvaryć novuju schiemu pieraśledu, nia viedaju. Bo tut hałoŭnaje — jakija buduć nastupstvy hetaha hramadzianskaha razboru ŭ sudzie. Kali heta skončycca tolki źniščeńniem skanfiskavanych materyjałaŭ, to heta adno, a kali sud prymie inšaje rašeńnie i ŭ im budzie sapraŭdy mova pra ekstremizm, to heta budzie aznačać kryminalny pieraśled».
Skanfiskavany ŭ Pisalnika numar «Głosu znad Niemna na uchodźstwie» praanalizavaŭ Andrej Pačobut, jaki pracuje dla polskaj «Gazety Wyborczej»:
«Ja braŭ udzieł u vypusku hetaha numaru i faktyčna padpisvaŭ jaho da druku. Nie Pisalnik, a ja padpisvaŭ. Akramia taho, u 2006 hodzie mianie zatrymała milicyja ŭ Miensku, u mianie było trysta asobnikaŭ hetaha numaru hazety, i ja byŭ pryciahnuty da administracyjnaj adkaznaści. Tamu, kali hety numar budzie pryznany ekstremisckim i kali budzie zaviedziena kryminalnaja sprava, to ja budu adnym ź fihurantaŭ hetaj spravy… Biezumoŭna, nijakaha ekstremizmu ŭ hetym numary niama. My nie mahli zrazumieć, što jany tam znajšli. Andžej nia byŭ painfarmavany pra toje, što stałasia biespasiaredniaj pryčynaj. Ja spadziajusia, što ŭ sudzie supracoŭniki KDB, jakija buduć pradstaŭlać intaresy dziaržavy, paviedamiać — što ž kankretna im tam nie spadabałasia».
Andrej Pačobut zaznačaje: na pieršaj staroncy hetaha numaru hazety «Głos znad Niemna na uchodźstwie» statuja Chrysta, što staić na ŭvachodzie ŭ haradzienski Katedralny kaścioł, jość u numary artykuł publicysta Alaksandra Fiaduty, jość publikacyi pra nie pryznavany ŭładami Sajuz palakaŭ na čale z Anžalikaj Borys, a taksama nadrukavany vykazvańni polskich senataraŭ u padtrymku hetaj hramadzkaj arhanizacyi.
***
U Kastryčnickim rajonny sudzie Horadni papiarednie apytali čatyroch čałaviek.
Na pytańni sudździ Alaksandra Siadźka adkazali siabra AHP Uładzimier Łaryn, žurnalist Andžej Pisalnik, student‑kalinoviec Alaksiej Trubkin i biespracoŭny ź Iŭjeŭskaha rajonu Dźmitry Jodka.
Pravaabaronca Valery Ščukin, studenty‑kalinoŭcy Jaŭhien Skrabutan, Dźmitry Malčyk, a taksama Jury Marcinovič i Barys Harecki ŭ sud nie źjavilisia.
A.Siadźko paviedamiŭ, što ŭ pieršych čysłach kastryčnika ŭsie fihuratny spravy atrymajuć pozvy na sudovaje pasiedžańnie.
Uva ŭsich vyklikanych u rozny čas byli skanfiskavanyja vydańni i ličbavyja nośbity. KDB padazraje ekstremiscki źmiest i choča, kab sud vyznačyŭ heta.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary