Amierykanskaja kinaaktrysa Porša de Rosi abvinavaciła akciora i pradziusara Styviena Sihała ŭ seksualnych damahańniach.
Jana syhrała hałoŭnyja roli ŭ sieryjałach «Eli Makbił», «Zapavolenaje raźvićcio» i «Skandał».
De Rosi — leśbijanka, i apošnija dzieviać hadoŭ žyvie ŭ adnapołym šlubie z amierykanskaj televiadoŭcaj Elen Li Dedženieres.
U svaim Twitter jana raspaviała, što kali pryjšła da Sihała ŭ ofis na kinaproby, jon skazaŭ, što za kadram važna mieć uzajemnuju simpatyju. Paśla čaho rasšpiliŭ małanku na svaich skuranych štanach.
Aktrysa kaža, što vybiehła z pakoja i raspaviała svajmu ahientu pra hety incydent.
«Mahčyma, jon nie ŭ tvaim huście», — nibyta adkazała joj ahient.
Aktorka nie ŭdakładniła, dla jakoha filma pravodzili proby, i ŭ jakim hodzie heta adbyłosia.
Mieniedžar Sihała paviedamiŭ Bi-bi-si, što akcior hetyja zajavy nie kamientuje.
65-hadovy Sihał zachaplajecca ŭschodnimi adzinaborstvami, i staŭ viadomym u 1980-ja i 1990-ja hady, kali syhraŭ u bajevikach «U abłozie» i «U śmiarotnaj niebiaśpiecy».
Sihała pačali vinavacić u nieprystojnych pavodzinach i damahańniach i inšyja žančyny, siarod jakich aktorka Džulijana Marhulis i supiermadel Dženi Makarci.
Chvala abvinavačvańniaŭ na adras roznych znakamitaściaŭ padniałasia paśla taho, jak u amierykanskaj presie žančyny pačali vinavacić halivudskaha pradziusara Charvi Vajnštejna ŭ seksualnych damahańniach.
U sacyjalnych sietkach u internecie razharnuli kampaniju, u jakoj zaklikali achviar damahańniaŭ raspavieści pra incydenty publična pad chešteham #MeToo — «I mianie taksama».
Sam Vajnštejn kateharyčna admaŭlaje ŭsie abvinavačvańni ŭ seksualnym hvałcie.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi27
Kamientary