Alaksandr Łukašenka daručyŭ da 20 śniežnia pradstavić kančatkovy prajekt biudžetu na 2018 hod. Pra heta jon zajaviŭ na naradzie pa vynikach ekanomiki za 2017 hod i prahnozach na 2018-y, piša BiełTA.
«Dapracavali prajekt biudžetu z ulikam abmierkavańnia i ŭ zavizavanym vyhladzie adpraŭcie ŭ Administracyju prezidenta, kab ja padpisaŭ i nakiravaŭ u parłamient. Kali my tut abmiarkujem i prymiem, deputaty suprać nie buduć. Tym bolš što jany ŭciahnutyja. Vy im raskažycie pra abmierkavańnie, pra pryncypovyja pytańni. Upeŭnieny, što jany mianie padtrymajuć, bo my ź imi na adnoj šachmatnaj došcy: lepš ludziam — lepš nam», - adznačyŭ Alaksandr Łukašenka.
U cełym Alaksandr Łukašenka stanoŭča acaniŭ prajekt biudžetu. «Usio praličana narmalna. U asnoŭnym usio pravilna skazana. Ale zaziamliciesia. Skoknicie ź vierchatury na ziamlu. Ludzi chočuć narmalna žyć», - padkreśliŭ Łukašenka. Jon daručyŭ adšukać srodki, kab padtrymać biudžetnych rabotnikaŭ i najbolš nieabaronienyja słai nasielnictva.
U jakaści asnoŭnych paramietraŭ dla raźliku prajekta biudžetu na 2018 hod pryniaty kansiervatyŭny scenar źniešnich umoŭ, pry jakim temp rostu VUP Biełarusi — 1,2%, siaredniehadavyja paramietry: inflacyja — 7,4%, staŭka refinansavańnia — 11% hadavych, cana na naftu — $43 za baral, kurs dalara — Br2,038 i 62,3 rasijskaha rubla.
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary