Supracoŭniki «ministerstva dziaržaŭnaj biaśpieki» i «ministerstva ŭnutranych spraŭ» samaabvieščanaj Danieckaj narodnaj respubliki (DNR) spynili ŭ Łuhansku dziejnaść praŭkrainskaj złačynnaj hrupy. Pra heta havorycca ŭ apublikavanym na sajcie MHB «DNR» zajavie.
«Spynienaja dziejnaść asnoŭnych členaŭ złačynnaj hrupy, jakija dziejničali pad kantrolem kamandavańnia 3 asobnaha pałka śpiecpryznačeńnia HUR MA [Hałoŭnaha ŭpraŭleńnia raźviedki ministerstva abarony] Ukrainy. Asnoŭnaj zadačaj hrupy źjaŭlalisia padrychtoŭka i praviadzieńnie šerahu dyviersijna-terarystyčnych aktaŭ na terytoryi ŁNR dla destabilizacyi palityčnaj situacyi ŭ narodnych respublikach», — padkreślivajecca ŭ paviedamleńni.
Adznačajecca, što ŭkrainskija ahienty ź liku čynoŭnikaŭ samaabvieščanaj «ŁNR» metanakiravana dyskredytavali dziejnaść pravaachoŭnych orhanaŭ i śpiecsłužbaŭ «respublik» Danbasa. «Praduhledžvałasia masiravanaje raspaŭsiudžvańnie nakiravanaj tendencyjnaj dezynfarmacyi, kampramietujučaj dziejnaść vyšejšaha kiraŭnictva pravaachoŭnaha błoka narodnych respublik dla paralizacyi ich dziejnaści i evakuacyi pravalenaj ahientury», — zajavili ŭ MDB «DNR.»
21 listapada ab vykryćci ŭ Łuhansku «praŭkrainskaj zmovy» zajaviŭ były ministr unutranych spraŭ ŁNR Ihar Karniet. Pavodle jaho słoŭ, u złačynnuju hrupu ŭvachodzili, u pryvatnaści, dyrektarka HTRK «ŁNR» Nastaśsia Šurkajeva, kiraŭnik administracyi kiraŭnika ŁNR Iryna Tejcman, a taksama načalnik słužby ŭradavaj biaśpieki MUS «ŁNR» Jaŭhienij Sielivierstaŭ.
U toj ža dzień centr Łuhanska byŭ zabłakavany nieviadomymi ŭzbrojenymi ludźmi. Kiraŭnik «ŁNR» Ihar Płatnicki abvinavaciŭ Ihara Karnieta ŭ sprobie dziaržaŭnaha pieravarotu.
Siońnia Płatnicki źbieh u Rasiju
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam3
Kamientary