Kiraŭnik samaabvieščanaj Łuhanskaj narodnaj respubliki (ŁNR) Ihar Płatnicki źjechaŭ u Rasiju. Pra heta sa spasyłkaj na svajho śpiecyjalnaha karespandenta paviedamlaje «Novaja hazieta».
Pa infarmacyi vydańnia, Płatnicki znachodzicca ŭ aŭtamabilnym kartežy, jaki pakinuŭ terytoryju Łuhanska. Razam ź im z respubliki źjechali kiraŭnik jahonaj administracyi Iryna Tejcman, kiraŭnik HTRK «ŁNR» Anastasija Šurkajeva i šerah inšych asob.
Uradavyja budynki ŭ Łuhansku dahetul ačeplenyja ŭzbrojenymi ludźmi. Siarod ich — supracoŭniki MUS «ŁNR» i ministerstva dziaržbiaśpieki samaabvieščanaj Danieckaj narodnaj respubliki.
Napiaredadni adchileny ad pasady «ministr» unutranych spraŭ ŁNR Ihar Karniet admoviŭsia pakinuć svaju pasadu i apublikavaŭ videazvarot, u jakim zajaviŭ, što niekatoryja vysokapastaŭlenyja dziejačy samaabvieščanaj respubliki, uklučajučy Tejcman i Šurkajevu — heta ahientura ŭkrainskich śpiecsłužbaŭ.
U «DNR» zajavili pra «vyratavańnie ŁNR»
Uviečary ŭ aŭtorak u Łuhansk ŭvajšła kałona ź dziasiatkaŭ vajennych aŭtamabilaŭ z Daniecka. Paśla MDB «DNR» aficyjna pryznała, što pravodzić sumiesnuju śpiecapieracyju ź siłavikami «ŁNR» suprać «ŭkrainskich dyviersantaŭ».
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»9
Kamientary