Kampanija rychtuje adno z samych zaŭvažnych źmianieńniaŭ u historyi Gmail: karystalniki ŭpieršyniu zmohuć źmianić adras z damienam @gmail.com biez straty danych i pierapryviazki akaŭnta.
Ciapier źmiena Gmail-adrasa faktyčna niemahčymaja: karystalnikam davodzicca stvarać novy akaŭnt, naładžvać pierasyłku i mirycca sa strataj adzinaj historyi. Adnak u abnoŭlenaj daviedkavaj dakumientacyi Google apisany novy miechanizm, jaki dazvalaje vybrać novy Gmail-adras u miežach užo isnujučaha akaŭnta, paviedamlaje Devby.io.
Zhodna z apisańniem, karystalnik zmoža źmianić imia pošty, zachavaŭšy ŭsie listy, fajły, fota, dostup da servisaŭ Google i historyju akaŭnta. Pry hetym stary adras nie źniknie. Listy buduć prychodzić na tuju ž paštovuju skryniu, a ŭvachod u akaŭnt budzie mahčymy jak z novaha, tak i sa staroha adrasa.
Navinka budzie ŭkaraniacca pastupova i spačatku budzie dastupnaja nie ŭsim.
Google uvodzić i strohija abmiežavańni: mianiać Gmail-adras možna budzie nie čaściej za adzin raz na 12 miesiacaŭ i nie bolš za try razy za ŭvieś čas isnavańnia akaŭnta.
Paśla źmieny adras nielha budzie vydalić, a stvaryć novy Gmail-akaunt z papiarednim imiem — na praciahu hoda.
Kampanija taksama papiaredžvaje, što ŭ asobnych servisach stary adras moža adlustroŭvacca jašče niekatory čas — naprykład, u padziejach Google Calendar, stvoranych da źmieny. Pry hetym stary adras zastaniecca zamacavany za karystalnikam i nie moža być vykarystany kimści inšym.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram8
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary