Heta budzie pieršaje źjaŭleńnie papularnaha aŭtara na publicy pa-za Minskam.
Andruś Horvat naviedaje Homiel u miežach sustrečy ź sioletnimi finalistami litaraturnaj premii «Debiut» imia Maksima Bahdanoviča. Kampaniju jamu składuć paetka Hanna Komar i prazaik Uładzimir Sadoŭski.
Komar debiutavała z knihaj vieršaŭ «Strach vyšyni», za jakuju ŭžo paśpieła atrymać taksama ŭznaharodu ŭ Šviecyi. Sadoŭski — aŭtar zombi-choraru «1813»: naviełu nazyvajuć pieršaj u hetym žanry pa-biełarusku. Horvat ža staŭ litaraturnym adkryćciom minułaha hoda za knihu «Radziva «Prudok». Dziońnik». Kab atrymać ad aŭtara aŭtohraf, čytačy vystrojvalisia ŭ čerhi na vulicy. Ale pa-za Minskam kniha Horvata tak i nie była pradstaŭlena. Sustreča ŭ Homieli — redki vypadak pahavaryć ź piśmieńnikami ŭžyvuju.
Sustreča projdzie ŭ art-prastory «Kaŭčeh» (Homiel, pr-t Pieramohi, 2a). 9 śniežnia, pačatak a 14.00. Uvachod volny.
***
Premija «Debiut» imia Maksima Bahdanoviča — litaraturnaja premija, zasnavanaja ŭ śniežni 2010 hoda Sajuzam biełaruskim piśmieńnikaŭ, Biełaruskim PEN-centram i miecenatam Paŭłam Padkarytavym (Bierahovičam). Pieršaje ŭručeńnie premii adbyłosia na nastupny hod. Z 2014 hoda da arhanizataraŭ «Debiutu» dałučyŭsia dabračynny fond «Viartańnie». Premija ŭručajecca ŭ troch naminacyjach, u jakich pracavaŭ Maksim Bahdanovič, — «Proza», «Paezija», «Mastacki pierakład». Łaŭreatami stanavilisia Anatol Ivaščanka, Hanna Jankuta, Taćciana Niadbaj, Viktar Marcinovič, Vital Ryžkoŭ, Natalla Charytaniuk i inšyja.
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca10
Kamientary