Amierykanski časopis Forbes čarhovy raz pradstaviŭ rejtynh najlepšych krain dla viadzieńnia biźniesu. Pieršaje miesca ŭ śpisie zaniała Złučanaje Karaleŭstva, a Biełaruś u śpis nie ŭvajšła.
U śpis trapili 153 krainy śvietu. Pazicyja kožnaje ź ich u śpisie vyznačałasia, zychodziačy z 15 asnoŭnych kryteraŭ: inavacyi, padatki, karupcyja, infrastruktura, pamier rynka, palityčnyja ryzyki, jakaść žyćcia, pracoŭnaja siła, biurakratyja, abaronienaść inviestaraŭ.
Upieršyniu śpis uznačaliła Vialikabrytanija. Na dumku redaktaraŭ vydańnia, brytanskaja stalica jość adnym z troch hłabalnych centraŭ finansavych pasłuh u śviecie.
Druhoje miesca treci hod zapar zajmaje Novaja Ziełandyja: za apošnija čatyry hady jana pieratvaryłasia z ahrarnaj krainy ŭ pramysłova raźvity, svabodny rynak, jakija pakazaŭ u hetym hodzie rost VUP na 3,6%.
Siarod byłych savieckich krain vyšej za ŭsich u śpisie raźmiaścilisia Estonija (27), Litva (30) i Łatvija (36). Rasija ŭ rejtynhu zaniała 58-y radok, znachodziačysia pamiž Mieksikaj i Indaniezijaj. Kazachstan — 65, Ukraina — 80, a Biełaruś u rejtynh nie patrapiła ŭvohule.
Voś, jakija krainy ŭznačalvajuć rejtynh:
- Vialikabrytanija,
- Novaja Ziełandyja,
- Niderłandy,
- Šviecyja,
- Kanada,
- Hankonh,
- Danija,
- Irłandyja,
- Sinhapur,
- Šviejcaryja.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary