Da 100-hodździa BNR u Homieli prapanujuć nazvać vulicu imiem Pałuty Badunovaj
Inicyjatyŭnaja hrupa hramadskich aktyvistaŭ Homiela, stvoranaja dziela śviatkavańnia 100-hodździa abviaščeńnia BNR, źviarnułasia ŭ harvykankam z prapanovaj nadać adnoj z vulic horada imia Pałuty Badunovaj albo ustalavać na pieršym časie choć by pamiatnuju došku ŭ jaje honar, piša Radyjo Svaboda.
Abhruntavańnie prapanovy padrychtavała daśledčyca bijahrafii Pałuty Badunovaj, vykładčyca ŭniviersiteta imia Franciška Skaryny Valancina Lebiedzieva, a padpisali list u harvykankam viadomyja ŭ horadzie historyki dy hramadskija aktyvisty.
«Naša ziamlačka zastałasia ŭ nacyjanalnaj historyi simvałam samaachviarnaści i pałymianaha patryjatyzmu, zmahańnia za pravy biełaruskaha narodu», — kaža adzin ź inicyjataraŭ śviatkavańnia stohadovaha jubileju BNR Uładzimier Kacora.
Pałuta Badunova — biełaruski palityk, adzin ź lidaraŭ Biełaruskaj partyi eseraŭ, siabra Rady i Narodnaha sakrataryjata BNR.
Kamientary