U Maskvie na Mažajskaj šašy aŭtobus prataraniŭ natoŭp ludziej i ŭjechaŭ u padziemny pierachod na stancyi mietro «Słavianski bulvar», paviedamlajuć RIA Novosti.
Pavodle roznych źviestak, u avaryi zahinuli ad čatyroch da piaci čałaviek, jašče piatnaccać paciarpieli.
Kiroŭcu zatrymali, jaho viazuć u adździeł palicyi dla raźbiralnictva.
Kiroŭca aŭtobusa raspavioŭ, što adbyłosia
Pa słovach krynicy ahienctva, na hety momant razhladajucca dźvie viersii: ci aŭtobus «padrezała» inšaja mašyna, ci ŭ jaho pierastali pracavać tarmazy. Surazmoŭca dadaŭ, što viersija teraktu nie razhladajecca.
Taksama paviedamlajecca, što aŭtobus byŭ u ekspłuatacyi mienš za hod.
Momant najezdu trapiŭ na videa. Aściarožna, žorstkija kadry:
Avtobus v Moskvie naśmierť zadavił 4 čiełoviek v podziemnom pieriechodiehttps://t.co/qmlbPXg7z8
Vidieo: Iźviestija pic.twitter.com/tUjapohQmZ
Na videa nižej bačna, jak aŭtobus sychodzić z šašy ŭprava i traplaje ŭ pierachod:
Na miescy pracujuć supracoŭniki palicyi i miedyki. Taksama tudy vylecieli try viertaloty BK-117 Maskoŭskaha avijacyjnaha centra.
Kamientary