Va ŭzroście ad 17 da 20 hadoŭ čałaviek zasvojvaje infarmacyju lahčej, čym u paźniejšyja hady abo ŭ dziacinstvie. Adpaviednaje daśledavańnie apublikavana ŭ časopisie Nature Communications.
![](http://nnexpictures.fra1.digitaloceanspaces.com/img/w732d4webp1/photos/z_2017_12/7d64305538559a0792996a278a5119c0_1510339945-b-adnoa.jpg.webp)
Pa dadzienych navukoŭcaŭ, važnuju rolu ŭ pracesie navučańnia adyhryvaje darsałateralnaja častka pałasataha cieła mozhu. Źmieny aktyŭnaści hetaj struktury mozhu ŭ zaležnaści ad uzrostu raniej vyvučany nie byli.
Śpiecyjalisty Lejdenskaha ŭniviersiteta — starejšaha ŭ Niderłandach — praviali ekśpierymient, u jakim pryniali ŭdzieł 232 čałavieki va ŭzroście ad 8 da 25 hadoŭ bieź nieŭrałahičnych zachvorvańniaŭ. U chodzie vyprabavańniaŭ nieabchodna było rašyć łahičnaje zadańnie z varyjantami adkazu, navučajučysia z dapamohaj padkazak kampjutara.
Vyniki skanavańnia mazhoŭ udzielnikaŭ pakazali, što aktyŭnaść pałasataha cieła zaležyła ad uzrostu i dasiahała maksimumu ŭ ludziej va ŭzroście ad 17 da 20 hadoŭ.
Na dumku navukoŭcaŭ, daśledavańnie pakazvaje, što hety ŭzrost źjaŭlajecca ŭnikalnym etapam, na jakim mozh čałavieka najbolš efiektyŭna ŭsprymaje infarmacyju.
Kamientary