Ва ўзросце ад 17 да 20 гадоў чалавек засвойвае інфармацыю лягчэй, чым у пазнейшыя гады або ў дзяцінстве. Адпаведнае даследаванне апублікавана ў часопісе Nature Communications.
Па дадзеных навукоўцаў, важную ролю ў працэсе навучання адыгрывае дарсалатэральная частка паласатага цела мозгу. Змены актыўнасці гэтай структуры мозгу ў залежнасці ад узросту раней вывучаны не былі.
Спецыялісты Лейдэнскага ўніверсітэта — старэйшага ў Нідэрландах — правялі эксперымент, у якім прынялі ўдзел 232 чалавекі ва ўзросце ад 8 да 25 гадоў без неўралагічных захворванняў. У ходзе выпрабаванняў неабходна было рашыць лагічнае заданне з варыянтамі адказу, навучаючыся з дапамогай падказак камп'ютара.
Вынікі сканавання мазгоў удзельнікаў паказалі, што актыўнасць паласатага цела залежыла ад узросту і дасягала максімуму ў людзей ва ўзросце ад 17 да 20 гадоў.
На думку навукоўцаў, даследаванне паказвае, што гэты ўзрост з'яўляецца ўнікальным этапам, на якім мозг чалавека найбольш эфектыўна ўспрымае інфармацыю.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары