Dziaŭčynka źnikła ŭ 2012 hodzie. Pošuki plonu nie dali.
«Vyśvietliłasia, što mužčyny paznajomilisia ź dziaŭčynaj, u aŭtamabili prapanavali joj vypić, dadaŭšy ŭ napoj lekavy srodak sa snatvornym efiektam. Zatym pryvieźli jaje na kvateru adnaho sa złamyśnikaŭ u Navapołacku, ale tam dziaŭčyna ad pryniataha preparata pamierła. Trup vyvieźli ŭ lasny masiŭ i zakapali», — raspavioŭ padrabiaznaści Ivan Kubrakoŭ, načalnik viciebskaj milicyi.
U 2017 hodzie milicyja zatrymała troch mužčyn, žycharoŭ Połacka i Navapołacka.
Jany na praciahu niekalkich hadoŭ znajomilisia z žančynami i dziaŭčatami, častavali ich napojem sa snatvornym, paśla vieźli na kvateru i hvałtavali.
Časam zabirali hrošy i ŭpryhožańni. Jak praviła, achviara paśla dakładna nie pamiatała, što zdaryłasia, bo niaredka žančyny siadali ŭ mašynu da novych znajomych užo napadpitku.
Adna ź ich achviar — taja samaja 17-hadovaja dziaŭčyna — nie vyžyła.
Na abvinavačanych zaviali 40 kryminalnych spraŭ. Śledstva jašče nie skončyłasia.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary