U Makiedonii projdzie refierendum ab źmienie nazvy krainy, tak makiedonski premjer-ministr spadziajecca zaviaršyć sprečku z Hrecyjaj, što doŭžycca ad 1990-ch i błakuje ŭstupleńnie krainy ŭ NATA.
Rašeńnie ab źmienie nazvy Respubliki Makiedonii budzie pryniata na refierendumie, zajaviŭ premjer-ministr krainy Zoran Zajeŭ. Pra heta havorycca ŭ paviedamleńni na sajcie ŭrada.
Zajeŭ adznačyŭ, što adpaviednyja pieramovy z Hrecyjaj viaducca, ale jon nie moža skazać padrabiaznaści. «Vy bačycie, što pravodzicca prazrysty praces, my chočam vyrašyć hetuju prablemu na asnovie nacyjanalnaha kansensusu, kab rašeńnie ŭ vyniku było paćvierdžana hramadzianami na refierendumie», - zajaviŭ Zajeŭ. Jon adznačyŭ, što pieramovy buduć paśpiachovyja, kali abodva baki — Hrecyja i Makiedonija — akuratna padyduć da pytańnia.
Makiedonija z časoŭ raspadu Juhasłavii viadzie sprečku z Hrecyjaj ab svaim nazovie. Pa patrabavańni Hrecyi Makiedonija była pryniata ŭ AAN u 1993 hodzie pad nazvaj Byłaja juhasłaŭskaja Respublika Makiedonija (BIURM). Hrecyja nastojvaje na tym, kab nazva Makiedonii była źmieniena, kab paźbiehnuć błytaniny z hrečaskaj pravincyjaj — histaryčnaj vobłaściu Makiedonija, jakaja miažuje z adnajmiennaj niezaležnaj respublikaj.
Hrecyja ŭ suviazi z hetym błakuje ŭstupleńnie Makiedonii ŭ Jeŭrasajuz i NATA. Viersii mahčymaj nazvy dla Makiedonii nie ahałošvajucca.
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj20
Kamientary