000-179: čałaviek z prapiskaj Naračy atrymaŭ biuleteni na roznych minskich učastkach, zapisaŭšy sabie ŭ pašpart sakretny kod VIDEA

Pieradhistoryja była takaja. U adnym ź biełaruskich Telegram-kanałaŭ źjaviłasia nastupnaje paviedamleńnie ad Maryi (imia źmienienaje, arfahrafija i punktuacyja zachavanyja):

«Administracija škoły postaviła pomietku v mojem pasportie i poprosiła javiťsia na čietyrie iźbiratielnych učastka v okruhie, k kotoromu ja nie otnošuś, i prohołosovať za žiełatielnoho kandidata vmiesto nieznakomych mnie ludiej.

Dieło było tak: ja prichodiła na iźbiratielnyj učastok, pokazyvała komiśsii svoj pasport. Štampa propiski, kotoryj otnosił by mienia k etomu učastku, razumiejetsia, nie było. Komiśsija zamiečała pomietku i davała mnie raśpisaťsia v śpiskie o połučienii biulletienia naprotiv imieni iźbiratiela, kotoroje, razumiejetsia, nie sovpadało s moim i nie było mnie znakomo. Ja staviła datu i podpiś — viezdie svoju, — połučała biulletień, hołosovała i opuskała jeho v urnu. I tak na čietyriech učastkach. Vmiestie so mnoj učastki obchodili i druhije sotrudniki škoły».

Na paviedamleńnie źviarnuli ŭvahu aktyvisty supołki «Dzieja». Jany źviazalisia z Maryjaj i atrymali fotazdymak pamietki ŭ pašparcie, jakuju pastaviła administracyja škoły (fotazdymak adredahavany dla zachavańnia ananimnaści krynicy):

Pavialičyć

Ličby «179» adpaviadajuć numaru škoły, u jakoj pracuje Maryja — heta siaredniaja škoła №179 u Miensku. Maryja paviedamiła, što 15 lutaha jana pabyvała na ŭčastkach u kožnaj škole na terytoryi 34-j Kuncaŭščynskaj akruhi: u škołach №185 i №201, a taksama himnazijach №4 i №39.

«Ničoha nie abiacali, učora skazali ŭziać siońnia pašpart. Rastłumačyli, što rabić, i pasłali na ŭčastki», — raskazała Maryja pra akaličnaści taho, jak jana była ŭciahnutaja ŭ falsifikacyju.

Aktyvist «Dziei» Dzianis Kraŭčuk vyrašyŭ pravieryć, ci ŭdasca jamu prykinucca takim nastaŭnikam i atrymać biuleteni na ŭčastkach akruhi, da jakoj jon nie naležyć. Dzianis uvohule prapisany nie ŭ Minsku, a ŭ pasiołku Narač Miadzielskaha rajona Minskaj vobłaści. Chłopiec nanios u svoj pašpart pad paznakaj ab rehistracyi takuju ž pamietku, jak na fota, što dasłała Maryja.

15 lutaha Dzianis pryjšoŭ na vybarčy ŭčastak, jaki znachodzicca ŭ biełaruskamoŭnaj himnazii №4 sa svaim pašpartam i atrymaŭ biuleteń za inšaha čałavieka, u dakładnaści tak, jak heta apisała Maryja. 

Na nastupny dzień, 16 lutaha, Dzianis paŭtaryŭ hetuju schiemu na dvuch inšych učastkach, u rasijskamoŭnych škołach №185 i №201. Znoŭ jamu vydali biuleteni za inšych ludziej, a ŭvieś praces byŭ źniaty na videa (jany jość u Redakcyi).

Dzianis Kraŭčuk pryjšoŭ 16 lutaha na vybarčyja ŭčastki ŭ škołach № 185 i № 201 i biez prablem atrymaŭ biuleteni. Jon prosta pakazaŭ pašpart z pamietkaj 000-179 — i jamu adrazu dali biuleteń pad podpis. Jaho paprasili raśpisacca ŭ śpisie ŭ hrafie, dzie stajała paznaka nasuprać proźvišča inšaha čałavieka.

«Ja hladzieŭ videa Mikałaja Kazłova z Abjadnanaj hramadzianskaj partyi, jaki razam z Anatolem Labiedźkam złaviŭ karusielščykaŭ. Stała cikava, jak mienavita karusielščyki paznajuć adzin adnaho, jak heta ŭładkavana. I ja vyrašyŭ pravieryć», — raskazvaje Kraŭčuk.

Dzianis Kraŭčuk ličyć, što hramadzianie pavinny bolš aktyŭna prajaŭlać siabie i nie davać falsifikavać vybary: «Ja ŭpeŭnieny, što hramadstva pavinna nie ŭciačy ad temy vybaraŭ, a naadvarot — uzmacnić kantrol i cisk na ŭładu».

Kamientaroŭ ad pradstaŭnikoŭ vybarčych kamisij pakul nie było.

• 0
• 0
• 0
• 0
• 0
• 0