Na praciahu niekalkich hadoŭ na čałavieka ź invalidnaściu ź Minska aformili 40 pravaparušeńniaŭ, jakija jon nie ździajśniaŭ. Akazałasia, jaho imiem pradstaŭlaŭsia stryječny brat, paviedamlaje prakuratura Minska.
Minčuk ź invalidnaściu 2-oj hrupy paskardziŭsia: jaho pryciahnuli da adkaznaści za parušeńnie PDR, drobnaje chulihanstva i raśpivańnie śpirtnoha ŭ hramadskim miescy. Ale jon hetaha nie ździajśniaŭ.
Vyśvietliłasia, što jaho imiem pradstaviŭsia stryječny brat — toj viadzie asacyjalny ład žyćcia, nie maje peŭnaha miesca žycharstva.
Paśla ŭniasieńnia pratestaŭ byli admienienyja 33 niezakonnyja pastanovy sudoŭ i orhanaŭ unutranych spraŭ ab pryciahnieńni invalida da adkaznaści.
«Supracoŭniki achovy pravaparadku, vinavatyja ŭ nienaležnym vyjaŭleńni asoby pravaparušalnika, pryciahnuty da dyscyplinarnaj adkaznaści», — dadali ŭ prakuratury.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami14
Kamientary