На працягу некалькіх гадоў на чалавека з інваліднасцю з Мінска аформілі 40 правапарушэнняў, якія ён не здзяйсняў. Аказалася, яго імем прадстаўляўся стрыечны брат, паведамляе пракуратура Мінска.
Мінчук з інваліднасцю 2-ой групы паскардзіўся: яго прыцягнулі да адказнасці за парушэнне ПДР, дробнае хуліганства і распіванне спіртнога ў грамадскім месцы. Але ён гэтага не здзяйсняў.
Высветлілася, што яго імем прадставіўся стрыечны брат — той вядзе асацыяльны лад жыцця, не мае пэўнага месца жыхарства.
Пасля ўнясення пратэстаў былі адмененыя 33 незаконныя пастановы судоў і органаў унутраных спраў аб прыцягненні інваліда да адказнасці.
«Супрацоўнікі аховы правапарадку, вінаватыя ў неналежным выяўленні асобы правапарушальніка, прыцягнуты да дысцыплінарнай адказнасці», — дадалі ў пракуратуры.
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары