Adzin z arhanizataraŭ muzyčnaj častki Dnia Voli Pavieł Biełavus u intervju kp.by skazaŭ, što siarod tych, chto zaprošany vystupić 25 sakavika, — Alaksandr Saładucha. «Kali Saładucha vykanaje niekalki pieśniaŭ pa-biełarusku, to heta budzie cikava. Usio ž zasłužany artyst Biełarusi», — skazaŭ Biełavus.
My pazvanili Alaksandru Saładucha, kab spraŭdzić hetuju infarmacyju. «Tak, Vałodzia [Płavinski — «NN»] mnie telefanavaŭ, zaprašaŭ. Pakul rašajem, ci varta vystupać», — kaža muzyka.
Saładucha paćvierdziŭ «NN», što viałasia havorka pra vystup za hanarar. Pa našych źviestkach, suma apłaty moža skłaści kala 500 dalaraŭ.
Ci viedaje Saładucha, što takoje BNR? «Nie, nie viedaju. Mnie kazali pra Biełaruskuju Narodnuju Respubliku» — «Dyk heta adno i toje ž» — «Ja nie viedaju, naradziŭsia ŭ Padmaskoŭi, žyŭ u Kazachstanie. Tolki ŭ 20 hadoŭ pierajechaŭ u Biełaruś, naleta budzie 40 hadoŭ, jak žyvu tut», — skazaŭ artyst.
A jak muzyka stavicca da bieł-čyrvona-biełych ściahoŭ i Pahoni? «Składanaje pytańnie. Dy narmalna staŭlusia, chacia dziaržaŭnyja ściahi ŭ nas ža inšyja. Ja nie asabliva cikaŭlusia palitykaj».
Saładucha ŭ razmovie z «NN» paabiacaŭ, što ciaham dnia prymie kančatkovaje rašeńnie, ci budzie vystupać na kancercie 25 Sakavika.
Na kancercie płanujuć vystupić Lavon Volski, «Krama», «Niejra Dziubiel», «Dzieciuki», Akute, Piatro Klujeŭ z ŁSP.
-
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
-
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
-
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary