12 z zabitych u pokryšy, što zdaryŭsia la sumiežnaha z haroj Everest haradka Łukła, – niamieckija hramadzianie. Na borcie samalotu byli taksama švajcarcy, nepalcy i amerykaniec. Siarod acalełych - adzin pasažyr.
Pavodle presavaha sakratara aeraporta, samalot raźbiŭsia na padlocie da haradskoha lotnišča. Nievialički dvuchmatornik, što lacieŭ sa staličnaha Katmandu, źnik z radaraŭ i pa nievialikim časie ŭrezaŭsia ŭ haru. Pažarnym spatrebiłasia mała nia dźvie hadziny, kab patušyć pažar, jaki ŭźnik paśla avaryi.
U krainie, dzie panuje biezdaraž, samalot – nadzvyčaj papularny srodak transpartu, asabliva dla zamiežnikaŭ. Ale prablemy ź biaśpiekaj palotaŭ nanieśli surjozny ŭdar pa turystyčnaj industryi. 17 lipienia pry padobnym avijakryšu ŭ Nepale zahinuła 4 čałavieki, a 10 čałaviek pa-raniejšamu ličacca źnikłymi biaz viestak paśla viertalotnaj katastrofy ŭ traŭni.
Haradok Łukła ličycca adpraŭnym punktam pa padjomu na haru Everest, najvyšejšuju ŭ śviecie.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary