Skandalny rasijski kanał Russia Today, raźličany na zamiežnuju aŭdytoryju, vypuściŭ tekst, pryśviečany BNR. «Niaŭdałaja dziaržaŭnaść»: jak sto hod tamu ŭ Biełarusi sprabavali pabudavać narodnuju respubliku», — tak nazyvajecca materyjał.
Namiašaŭšy ŭ kuču i realnyja fakty, i hrubyja domysły, aŭtary sprabujuć naviazać standartnyja dla rasijskaj prapahandy idei (z papraŭkaj na krainu):
— BNR — heta častka historyi, važnaja tolki dla nacyjanalistaŭ.
— Pryznańnie BNR na dziaržaŭnym uzroŭni paciahnie źmienu hranic: biełarusy zachočuć adabrać Smalensk, Padlašša i Vilniu.
— Takim čynam, pieryjad BSSR treba budzie razhladać jak akupacyju.
— A heta ŭžo paciahnie zabaronu rasijskaj movy i dalej u takim duchu.
Nijakich novych pryjomaŭ manipulavańnia ŭ tekście niama: tolki padmiena paniaćciaŭ, antynavukovaja interpretacyja faktaŭ, chłuśnia i strašyłki, ahučanyja «ekśpiertami».
«Ekśpiertami», darečy, vystupajuć dziažurny arakuł pa pytańniach krain Uschodniaj Jeŭropy Aleh Niemienski i biełarus Piotr Piatroŭski, jaki prezientuje siabie jak «fiłosafa i palitołaha».
Čytajcie bolš pra Piatroŭskaha tut: Chakiery apublikavali dakumienty, zhodna ź jakimi biełaruskija aŭtary rychtujuć svaje publikacyi pa zakazach maskoŭskich palittechnołahaŭ
«Heta rannija formy fašyzmu. Krajnie pravaja, militarystyčnaja, pravadyrskaja dziaržava atrymałasia b, kali b historyja dała joj šaniec», — kaža pra BNR Niemienski.
«Zbolšaha ŭ hramadskaj śviadomaści biełarusaŭ BNR paprostu niama. Jość tolki ŭ nievialikaj supołki: abo prafiesijnych historykaŭ, abo apazicyjnych palitykaŭ, jakija vykarystoŭvajuć BNR jak histaryčny fienamien dla svaich metaŭ», — dadaje Piatroŭski.
Varta dadać, što ŭradženca biełaruskaha Paleśsia Ramana Skirmunta u tekście nazyvajuć «palakam».
Zrešty, u adnym RT piša absalutna pravilna: «Niezaležnaść BNR nie pryznali ni Savieckaja Rasija, ni biełyja Urady, ni krainy Antanty».
Čytajcie taksama: Žurnalistka Russia Today: My pracujem na Pucina i skažajem praŭdu
Čytajcie taksama: Ułady dazvolili Dzień Voli kala Opiery, vyzvalili arhanizataraŭ ad apłaty zboraŭ
Čytajcie taksama: Administracyja prezidenta źviartałasia da Akademii navuk nakont roli BNR i pryniała pazicyju historykaŭ
Čytajcie taksama: Šunievič: BNR — heta historyja, i da jaje treba stavicca z pavahaj
-
Litoŭski deputat paskardziŭsia ŭ prakuraturu na Siarhieja Cichanoŭskaha
-
Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus źjechaŭ bieź jaje
-
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu27
Kamientary