Haściam Dnia Voli: jak u Minsku dabracca da Opiery i dzie parkavać mašynu
25 sakavika Biełaruś śviatkavać stahodździe BNR. Śviatočnyja mierapryjemstvy adbuducca ŭ roznych haradach pa ŭsioj krainie. Hałoŭnaja kancertnaja placoŭka raźmieścicca la Opiernaha teatra ŭ Minsku. Dla haściej stalicy, jakija majuć žadańnie dałučycca da śviatkavańnia, my raspaviadajem, jak najzručniej dabracca da Opiery i dzie ŭ Minsku parkavać aŭto.
Transpartam ad čyhunačnaha ci aŭtavakzała
Prytym što Minsk uvachodzić u dziasiatku najbolšych haradoŭ Jeŭropy, jaho transpartnaja sistema nastolki dobra pradumanaja, što dabracca ź luboha punktu A ŭ luby punkt B vielmi prosta navat na hramadskim transparcie.
Daroha ad čyhunačnaha ci aŭtavakzała da Opiery vam zojmie 20—30 chvilin. Lepš za ŭsio spuścicca ŭ mietro (stancyja «Płošča Lenina»), sieści ŭ ciahnik sprava ad vas i prajechać adnu stancyju — da «Kastryčnickaj». Ad «Kastryčnickaj» da Opiery možna pajści pieški pa praśpiekcie Niezaležnaści, a paśla naleva pa vulicy Janki Kupały, a možna padjechać jašče pa čyrvonaj (Aŭtazavodskaj) linii. Na jaje najlepš pierajści, vykarystoŭvajučy «mościk» u siaredzinie płatformy — tak vy apynieciesia na stancyi «Kupałaŭskaja». Dalej treba sieści ŭ ciahnik i prajechać da nastupnaje stancyi«Niamiha» (nakirunak vybierycie pa ŭkazalnikach).
Pryjechaŭšy na Niamihu, idzicie ŭ luby bok — abodva vychady viaduć u adzin doŭhi pierachod. Paśla vychadu sa stancyi ŭ pierachod paviarnicie naleva, prajdziciesia kala 50 mietraŭ i vy ŭbačycie vychad na vulicu. Dalej treba iści ŭ bok raki i Trajeckaha pradmieścia — 150 mietraŭ da ich, i kala 400 mietraŭ za Trajeckaje. Sprava ad vas siarod drevaŭ pabačycie Opierny teatr.
Źviarnicie ŭvahu, što dzieci i školniki ŭ Minsku jeździać na hramadskim transparcie, u tym liku mietro, biaspłatna.
Parkoŭki
Kali vy jedziecie na mašynie, to ŭličycie, što ŭ rajonie Opiery svabodnych parkovak mała i mnohija ź ich płatnyja, bo heta samy centr horada. Bližejšyja miescy, dzie možna biaspłatna pryparkavacca, znachodziacca za teatram na vulicach Ałaizy Paškievič, Čyčeryna, Kamunistyčnaj, Kisialova — ale ŭsie miescy tam, chutčej za ŭsio, buduć zaniatyja jašče da taho, jak vy tudy pryjedziecie. Možna šukać miescy na vulicach Čyrvonaj abo na praśpiekcie Mašerava abo ŭ dvarach hetych vulic, ale heta ŭžo dalekavata.
Kamfortny sposab — pryjechaŭšy ŭ Minsk, pakinuć mašynu na biaspłatnych parkoŭkach kala adnoj ź pieryfieryjnych stancyj mietro, a dalej dajechać da Opiery na mietro. Pakidać mašynu ŭ Minsku — absalutna biaśpiečna. Dla raźliku času padarožža na mietro ŭličycie, što ciahniki ŭ niadzielu chodziać u siarednim raz na 5 chvilin, adnu stancyju ciahnik prajazdžaje za 2 chviliny, šlach ad stancyj «Niamiha», «Kastryčnickaja» ci «Płošča Pieramohi» da Opiery vam zojmie, u zaležnaści ad chutkaści vašaj chady, 10—15—20 chvilin.
Źviarnicie ŭvahu, što dzieci i školniki ŭ Minsku jeździać na hramadskim transparcie, u tym liku mietro, biaspłatna.
Bolšaść płatnych parkovak u Minsku na vychadnych robiacca biaspłatnyja. Ale najbližejšaja da Opiery płatnaja parkoŭka — u Vierchnim Horadzie — zastajecca płatnaj. Bolš za toje, jana darahaja, bo mieścicca ŭ starym horadzie. Tam z čałavieka biaruć 5 rubloŭ za pieršuju hadzinu i 2 rubli za kožnuju nastupnuju hadzinu. Płacić treba ŭ śpiecyjalnych aŭtamatach. Na inšych płatnych parkoŭkach apłatu najpraściej pasyłać smskaj, a numary mašyn sčytvaje śpiecyjalnaje abstalavańnie.
Parkoŭki Minska dobra adlustroŭvajuć «Jandeks.Karty». Dla hetaha treba nacisnuć značak ź litaraj «R», i błakitnym koleram padśvieciacca vulicy, uzdoŭž jakich možna parkavacca. Voś, što aznačajuć inšyja paznačeńni:
U desktopnaj viersii kart hety značak znachodzicca ŭ pravym vierchnim kucie:
U mabilnym dadatku — źleva ŭ punkcie «słai»:
Kamientary