Jak biełarusy abrali najlepšaha sabaku i što jaho paśla hetaha čakała FOTAREPARTAŽ
U lutym kampanija «A-100 Deviełapmient» abjaviła ab praviadzieńni konkursu na «aficyjnuju mordu» novaha kvartała «Pirs», što budujecca na Minskim mory. Było dasłana bolš za 1300 zajavak, tysiačy zdymkaŭ z parodzistymi sabakami i mietysami, i kožnamu źvieru haspadary pryznavalisia ŭ lubovi. Hałasavańnie pravodziŭ Onliner.by, čytačy jakoha pryznali pieramožcam niamieckuju aŭčarku pa imieni Dar.
Pavodle zabudoŭščyka, ideja konkursu była ad samaha pačatku na pavierchni. Ni dla kaho nie sakret, što naš horad nie vielmi prystasavany dla žyćcia z žyviołami, asabliva ź vialikim aktyŭnym sabakam nakštałt aŭčarki, łabradora abo chaski, jakim treba šmat miesca i času dla špacyraŭ.
«My byli nastrojenyja zrabić «Pirs» takim miescam, dzie budzie toje, čaho brakuje minčanam u samim Minsku, — raspaviali nam u «A-100 Deviełapmient». — Pa-pieršaje, samo pa sabie žyćcio za horadam vałodaje šeraham pieravah dla siemjaŭ z žyviołami: možna pravodzić bolš času sa svaimi hadavancami na śviežym pavietry, špacyravać uzdoŭž bieraha Minskaha mora abo pa lesie ŭ jaho vakolicach. Pa-druhoje, na «Pirsie» praduhledžana sabačaja infrastruktura: pakoi dla myćcia łap paśla prahułki, štučny ručaj z čystaj vadoj, dzie sabaka moža papić i aśviažycca dy inšyja «bonusy» dla chatnich žyvioł».
Dar-Kłajd Lehijon Koba (mienavita tak hučyć poŭnaje imia sabaki) atrymaŭ usie abiacanyja padarunki. My praviali ź im ceły dzień i padrychtavali fotarapartaž, ź jakoha vy ŭbačycie, jak dać svajmu hadavancu adčuć siabie čałaviekam.
Pachod da doktara
Pieršy abiacany padarunak dla pieramožca — pachod da doktara. My adpravilisia ŭ vieterynarnuju kliniku «Dzieviać žyćciaŭ».
Vieterynarny doktar Alaksiej Klancevič ahledzieŭ Dara, pačyściŭ jamu vušy.
Pieršapačatkova dla pieramožcy była zapłanavana ultrahukavaja čystka zuboŭ. Ale ŭ Dara zuby byli ŭ vydatnym stanie, tamu doktar prapanavaŭ zamianić hetuju praceduru čypavańniem — užyŭleńniem pad skuru žyvioły šklanoj mikrakapsuły z čypam, na jaki zapisvajecca ŭnikalny kod. Pa kodzie praz bazu dadzienych možna vyznačyć krainu, kliniku, dzie była praviedziena hetaja manipulacyja, źviestki pra haspadara, historyju chvarobaŭ. Kali sabaka zhubicca, znajści jaho budzie praściej.
Praz manitor pacyjenta my daviedalisia ab asnoŭnych žyćciovych pakazčykaŭ sabaki: stanie serca, nasyčanaści kryvi kisłarodam, kolkaści ŭdychaŭ za chvilinu.
Studyja hruminha
My pabačyli na ŭłasnyja vočy: kali vy chočacie dastavić sapraŭdnuju asałodu svajmu sabaku, zvadzicie jaho ŭ sałon pryhažości dla žyvioł.
My pryviali Dara ŭ studyju hruminha «Dog and cat», dzie jaho čakała azonavaja vanna, myćcio z roznymi šampuniami dy balzamami, suška, vyčosvańnie i navat parfium!
Studyja adkryłasia ŭ Minsku pa litoŭskaj franšyzie i ŭžo paśpieła stać lubimym miescam dla mnohich kocikaŭ dy sabačkaŭ.
Naŭrad ci možna prydumać niešta bolš pryjemnaje dla čatyrochnohaha člena svajoj siamji. A tym časam haspadary mahli adpačyć za kubkam kavy — u «Dog and cat» jana akazałasia nadzvyčaj smačnaj.
Zaakrama
Čystyja i ščaślivyja, my nakiravalisia ŭ «Garfield» — adnu z samych vialikich zaakramaŭ Minska, jakaja padaryła Daru siertyfikat na 300 rubloŭ.
Sabaka biehaŭ pa kramie, nie viedajučy, što jamu padabajecca bolš — nastolki vialikim akazaŭsia vybar.
Z Daram padpisali rekłamny kantrakt na 1000 rubloŭ: na praciahu hoda sabaka budzie źjaŭlacca «aficyjnaj mordaj» kvartała «Pirs».
Akramia hetaha, arhanizatary vyrašyli padaryć jašče adzin siertyfikat na 1000 rubloŭ hramadskamu abjadnańniu dapamohi biazdomnym žyviołam «ZOOšans», z dapamohaj jakoha sotni zhublenych i kinutych sabak znachodziać novy dom.
«Uvohule my chočam, kab braty našy małodšyja žyli «pa-čałaviečy» i padobnaja infrastruktura raźvivałasia nie ŭ asobnych kvartałach, ale i va ŭsim horadzie. Naš kastynh z publičnym pryznańniem u lubovi sabakam staviŭ za metu jašče raz padniać «sabačaje» pytańnie i dapamahčy farmiravańniu ŭ hramadstvie čałaviečaha staŭleńnia da žyvioł», — raspaviali ŭ «A-100 Deviełapmient».
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary