U krasaviku ŭ Hrodnie źniasuć staryja budynki. Čynoŭnik: My ačyścim horad ad hetych niepryvabnych zbudavańniaŭ
U Hrodnie da kanca krasavika źniasuć staryja avaryjnyja budynki i zbudavańni. Siarod ich — były harbarny zavod, vajennyja składy na Dziaržynskaha, staryja budynki pa vulicach Levanabiarežnaj, Pieramohi, Ziarnova i Mickieviča.
Mnohija hrodziency aburanyja takim rašeńniem. Błohier Jaŭhien Asnareŭski kaža, što heta čarhovy ŭdar pa architekturnaj spadčynie Hrodna.
«Tak jany i nie zrazumieli značeńnie hetaha rajona i jaho turystyčny patencyjał. Historyki patracili mnostva sił, kab rastłumačyć čynavienstvu, čym jany rasparadžajucca. Pierš za ŭsio pahroza visić nad niekatorymi draŭlanymi budynkami, poŭnaha źniščeńnia zabudovy pakul nie płanujuć, tym nie mienš, hetyja draŭlanyja budynki ŭjaŭlajuć istotnuju kaštoŭnaść», — piša na svajoj staroncy ŭ fiejsbuku Jaŭhien.
«Na pietycyju navat nie adkazali. Tym nie mienš fakt zastaŭsia zafiksavanym. Kupka entuzijastaŭ nie moža na roŭnych zmahacca z hłuchim čynavienskim kahałam, jaki robić što choča,» — kaža błohier.
Pa jaho słovach, draŭlanaja spadčyna — nie mienš važnaja za kamiennuju. Ciapier idzie baraćba za turysta, a zachodniamu turystu takija budynki mohuć być cikavyja.
«Kamiennaj staradaŭniaj architektury ŭ ich svajoj poŭna, a voś draŭlanaja — heta asablivaść dadzienaha rehijonu, jaje treba prasoŭvać. Akramia taho, zachoŭvać takija budynki abaviazak biełarusaŭ, heta naša spadčyna i jana nie pavinna źniščacca»,
— raspaviadaŭ Jaŭhien Hrodna.life.
«My ačyścim horad ad hetych niepryvabnych zbudavańniaŭ»
Pieršy namieśnik staršyni Hrodzienskaha harvykankama Andrej Žuk kaža, što znos praviaduć u tych miescach, dzie zhodna z hienpłanam budaŭnictva žylla nie praduhledžana. Heta vodaachoŭnaj zony, sanitarnyja zony pradpryjemstva.
«My ačyścim horad ad hetych niepryvabnych zbudavańniaŭ», — skazaŭ Andrej Žuk u intervju «Hrodna Plus».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary