20 sakavika Śviatłanie Kadziebie, fielčaru chutkaj dapamohi ź Minska ŭručyli paviestku na vajskovyja zbory. Jana razhubiłasia, patelefanavała mužu. Maksim skazaŭ nie chvalavacca. Nazaŭtra, pačuŭšy, što žonku zabirajuć, Maksim paprasiŭ zabrać i jaho, piša Tut.by.
U Biełarusi pačałasia pravierka Uzbrojenych sił. Z zapasu płanavali zaklikać da dvuch tysiač vajskovaabaviazanych, ź ich kala 50 žančyn. Bolšaść ź ich prachodzić padrychtoŭku ŭ miedycynskim atradzie. Siarod ich i Śviatłana Kadzieba.
Na zborach Śvieta i Maksim užo 15-y dzień. Pryzvali ich u 72-i hvardziejski Abjadnany vučebny centr u Piačach. Zaraz u chłopcaŭ «palihon». Ad pałatki, u jakoj žyvie muž, da toj, dzie pasialiłasia žonka, chvilin dziesiać. Słužać jany ŭ roznych padraździaleńniach, tamu bačacca niačasta.
Śvieta i Maksim pažanilisia ŭ kancy listapada 2017-ha, i zbory žartam nazyvajuć viasielnym padarožžam.
Małady muž pryznajecca: ideja jechać na zbory za žonkaj pryjšła imhnienna. Śvieta nie čakała. «Moža, nie treba?» — tut ža pierapytała ŭ Maksa jana.
— Ja pajšoŭ da kiraŭnictva, kažu: «Prašu mianie pryzvać». Jany padumali, što heta žart, — kaža Maksim. — Ja staŭ tłumačyć pra žonku, jany ŭdakładnili maju vajskovuju pasadu. Akazałasia, jak raz nie chapaje liniejnych nahladčykaŭ, i mnie adkazali: «Dobra».
Maksimu tut ža ŭručyli pozvu, i 22 sakavika jany sa Śvietaj źjechali na zbory. Prabudzie tut maładaja siamja 25-30 dzion.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ13
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary