U nastupnym hodzie ŭ Biełarusi mohuć upieršyniu abvieścić viasnovyja «kanikuły dla darosłych» na ceły tydzień?
U nastupnym hodzie pravasłaŭny Vialikdzień budzie adznačacca 28 krasavika. Heta aznačaje, što Radaŭnica (aŭtorak) vypadaje na 7 maja.
Radaŭnica ŭ Biełarusi — vychodny dzień, i paniadziełak pierad im taksama robiać vychodnym, za jaho adpracoŭvać u adnu z subotaŭ.
Ale ŭ nastupnym hodzie ŭ dadatak da ŭsiaho 9 maja prychodzicca na čaćvier. U svaju čarhu, kali vychodny vypadaje na čaćvier, to piatnica za im zvyčajna robicca vychodnaj, a jaje adpracoŭvajuć u adnu z subotaŭ: nastupnuju ci papiaredniuju.
Vynikaje, što ŭ 2019 hodzie ŭ vypadku pieranosaŭ vychodnymi mohuć być 5-7 maja (niadziela-aŭtorak) i 9-12 maja (čaćvier—niadziela). Na tydni zastaniecca tolki adzin pracoŭny dzień — sierada, 8 maja. U takim razie tearetyčna mahčyma pieranieści i jaho, kab ceły tydzień byli b vychodnymi.
Rašeńnie pra pieranos pracoŭnych dzion u nastupnym hodzie tradycyjna prymaje Saviet ministraŭ. Zvyčajna heta adbyvajecca ŭ listapadzie.
Kamientary