Pra heta zajaviŭ Alaksandr Łukašenka siońnia na sustrečy z kiraŭnikami i kalektyvami najbujniejšych dziaržaŭnych ŚMI, piša BiełTA
«Ja nie viedaju, jak heta vy budziecie rabić, ale kali ja pačuju abo ŭ internecie pračytaju, što čynoŭnik nie razmaŭlaje z žurnalistam i nie daje tuju infarmacyju, jakuju pavinien, i pierš za ŭsio asnoŭnym našym žurnalistam i ŚMI, robicie nieadkładna prapanovy ab jaho zamienie. Bo druhi raz budzie vielmi baluča dla jaho», — papiaredziŭ Łukašenka Administracyju prezidenta i Ministerstva infarmacyi.
Jon adznačyŭ, što časam z-za niaŭmieńnia čynoŭnikaŭ prakamientavać niejkuju prablemnuju situacyju heta davodzicca rabić kiraŭniku dziaržavy, kab «raschlobvać hety brud». «Kali ty pryjšoŭ ministram, namieśnikam, kiraŭnikom pradpryjemstva, davaj razmaŭlaj z žurnalistami, jak by ni było ciažka i składana», — padkreśliŭ Alaksandr Łukašenka. Razam z tym, pavodle jaho słoŭ, i sami žurnalisty pavinny być bolš nastojlivyja, damahajučysia kamientaryjaŭ ŭ čynoŭnikaŭ.
Pytańnie ab uzajemadziejańni z aficyjnymi asobami i ich admovach paroj prakamientavać tuju ci inšuju prablemu padniała na sustrečy z kiraŭnikom dziaržavy hiendyrektar BIEŁTA Iryna Akułovič. Pavodle jaje słoŭ, kiraŭniki ŭsich ranhaŭ i uzroŭniaŭ pavinny razumieć, što, kali ŭ ich jość infarmacyja, joju treba dzialicca, pakul prablema nie nabyła razburalnych maštabaŭ.
Kamientary