Bolš jak 80 pracentaŭ draŭniny ŭ Biełarusi płanujecca realizoŭvać praź biržavyja tarhi. Adpaviednyja miery źmiaščajucca va Ukazie 563 «Ab uniasieńni źmianieńniaŭ i dapaŭnieńniaŭ u niekatoryja ŭkazy Prezidenta Respubliki Biełaruś», jaki 16 kastryčnika padpisaŭ Alaksandr Łukašenka. Ab hetym BIEŁTA paviedamili ŭ pres-słužbie biełaruskaha lidera.
Dakumient, u pryvatnaści, unosić źmianieńni i dapaŭnieńni va Ukaz 214 ad 7 maja 2007 hoda «Ab niekatorych mierach pa ŭdaskanaleńniu dziejnaści ŭ śfiery lasnoj haspadarki» ŭ častcy pavieličeńnia abjomaŭ realizacyi draŭnianych resursaŭ šlacham biržavych tarhoŭ, pierachodu na rynačnyja ceny, sfarmiravanyja na biržavych tarhach.
Lesasiečny fond budzie realizoŭvacca na biržavych tarhach AAT «Biełaruskaja univiersalnaja tavarnaja birža», jakija buduć pravodzicca štokvartalna nie paźniej za adzin miesiac da pačatku spravazdačnaha kvartała (listapad, luty, maj, žnivień). Startavaja cana na draŭninu na pni dla realizacyi na biržavych tarhach budzie farmiravacca z ulikam biržavych kacirovak, što ŭstanaŭlivajucca AAT «Biełaruskaja univiersalnaja tavarnaja birža» pa vynikach biržavych tarhoŭ, i kaeficyjenta źmianieńnia cen na draŭninu ŭ krainach Jeŭrapiejskaha sajuza, Rasii i Ukrainie. Pry hetym jana nie moža być nižejšaj za taksy, zaćvierdžanyja Savietam Ministraŭ, jakija dziejničajuć na momant praviadzieńnia biržavych tarhoŭ.
Nie pradadzieny dva i bolš razoŭ na biržavych tarhach lesasiečny fond budzie realizoŭvacca jurydyčnym asobam, jakija viaduć lasnuju haspadarku, pa cenach, zajaŭlenych na biržavych tarhach.
Realizacyja draŭniny pa taksavamu koštu zachoŭvajecca dla arhanizacyj, jakija absłuhoŭvajuć linii elektrapieradačy i inšyja liniejnyja abjekty, dla fizičnych i jurydyčnych asob pry narychtoŭcy droŭ, ačystcy zachłamlenych lasoŭ, likvidacyi stychijnych biedstvaŭ, a taksama dla fizičnych asob, jakija paciarpieli ŭ vyniku pažaraŭ.
U suviazi z prodažam lesasiečnaha fondu pa rynačnych cenach i mahčymym padaražeńniem draŭniny ŭkazam praduhledžana akazańnie dapamohi hramadzianam, jakija majuć patrebu ŭ palapšeńni žyllovych umoŭ (jakija pastajanna pražyvajuć u sielskaj miascovaści), a taksama arhanizacyjam - zakazčykam budaŭnictva damoŭ u sielskaj miascovaści ŭ adpaviednaści ź dziaržaŭnymi prahramami i sielskahaspadarčym arhanizacyjam, jakija ažyćciaŭlajuć budaŭnictva žyviołahadoŭčych fierm, inšych abjektaŭ vytvorčaj i sacyjalnaj infrastruktury.
Akramia taho, ukazam praduhledžvajecca realizacyja lashasami dziełavoj draŭniny ŭ narychtavanym vyhladzie fizičnym asobam, jakija majuć patrebu ŭ palapšeńni žyllovych umoŭ, z prymianieńniem skidak. Padstavaj dla takoj realizacyi dziełavoj draŭniny budzie rašeńnie vykanaŭčaha kamiteta.
Zhodna z dakumientam budzie pravodzicca kampiensacyja vieličyni padaražeńnia draŭniny jurydyčnym asobam pa vynikach jaje faktyčnaha vykarystańnia pa metavamu pryznačeńniu za košt srodkaŭ miascovych biudžetaŭ.
Kamientary