Chto taki Arciom Čajka, jaki ŭdzielničaŭ u adkryćci motasiezona razam ź Viktaram Łukašenkam
U Minsku 29 krasavika prajšło adkryćcio bajkierskaha siezona H.O.G. Spring Challenge 2018. Da Kurhana Słavy pryjechali syn Alaksandra Łukašenki Viktar ź siamjoj, ministr unutranych spraŭ Ihar Šunievič i načalnik DAI Dźmitryj Karziuk.
Usiaho sabrałasia kala 6000 čałaviek, u tym liku hości z Rasii i Jeŭrasajuza.
Siarod hanarovych haściej byŭ Arciom Čajka. Heta syn hienprakurora Rasii i čałaviek nieadnaznačnaj reputacyi. Jamu było pryśviečanaje śpiecyjalnaje rasśledavańnie rasijskaha antykarupcyjnaha błohiera Alaksieja Navalnaha.
Rasśledavańnie vyjaviła ŭ Čajki darahuju nieruchomaść u krainach Zachodniaj Jeŭropy. Akramia taho, jon kantraluje šmatlikija pradpryjemstvy ŭ Rasii — časta jany akazvalisia ŭ jaho rukach u vyniku nieprazrystych apieracyj.
Viktar Łukašenka z žonkaj nie pieršy hod biaruć udzieł u motaprabiehach. Zdajecca, matacykł — takoje ž «palityčnaje» chobi dla syna, jak u Alaksandra Łukašenki — chakiej.
Motaprabiehi Viktar vykarystoŭvaje ŭ tym liku dla vybudovy kantaktaŭ z Rasijaj. Akramia taho, biełaruskija motaprabiehi stali svajho rodu zamieńnikam dla aktyŭnaści čysta rasijskich motakłubaŭ u Biełarusi. U pryvatnaści, raniej na Biełaruś byli sprabavali raspaŭsiudzić svaju aktyŭnaść «Načnyja voŭki», aktyvisty jakich adyhrali peŭnuju rolu ŭ zachopie Kryma i Danbasa.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary