Amatarki fastfuda i inšaj tłustaj ježy prykładna ŭ dva razy čaściej stanoviacca biaspłodnymi, čym astatnija žančyny, zajaŭlajuć navukoŭcy ŭ artykule, apublikavanaj u časopisie Human Reproduction.
«Našy papiarednija daśledavańni pakazvajuć, što biaspłodnaść moža raźvivacca tamu, što rečyvy, jakija źmiaščajucca ŭ fastfudzie, zdolnyja pranikać u jajcakletki i mianiać ich pracu. Da taho ž tłuščy, cukar i sol mohuć mianiać mietabalizm i pieraškadžać narmalnaj pracy pałavych orhanaŭ», — zajaviła Kłer Robierts (Claire Roberts), miedyk z Univiersiteta Adełaidy (Aŭstralija).
Pavodle sučasnych acenak, prykładna 10-15 pracentaŭ siamiejnych par u zachodnich krainach nie zdolnyja praciahnuć rod z-za biaspłodździa adnaho z partnioraŭ. Nasupierak ahulnapryniatym ujaŭleńniam, doli biaspłodnych mužčyn i žančyn prykładna roŭnyja.
U apošnija hady biaspłodździe ŭ ekanamična raźvitych krainach sustrakajecca prykmietna čaściej, i navukoŭcy źviazvajuć heta z mnostvam sacyjalnych i pryrodnych faktaraŭ, u tym liku z prykmietnym paharšeńniem ekałohii i źmienami ŭ ładzie žyćcia.
Robierts i jaje kalehi vyśvietlili, što «epidemija biaspłodździa» moža być abumoŭlena i inšym sučasnym fienomienam — kulturaj fastfuda. Da takoj vysnovy jany pryjšli pa vynikach nazirańniaŭ za zdaroŭjem prykładna šaści tysiač žančyn, jakija płanavali zavieści dzicia.
Žančyny, jakija jeli sadavinu kožny dzień, tolki ŭ čatyroch pracentach vypadkaŭ stanavilisia biaspłodnymi, a tyja, chto sadavinu nie ŭžyvaŭ, — u 12 pracentach vypadkaŭ. Hetym žančynam davodziłasia marnavać bolš za hod na naturalnaje ci štučnaje začaćcie.
Efiekt fastfuda vyjaviŭsia procilehłym — jaho ŭžyvańnie padvyšała imaviernaść raźvićcia biaspłodździa amal u dva razy, a poŭnaja admova ad takoj dyjety dazvalała maładym maci zavieści dzicia prykładna na tydzień raniej, čym amatarkam hamburhieraŭ.
Što cikava, ni zdarovaja ježa, takaja jak harodnina i zielanina, ni škodnyja zvyčki nie akazvali takoha ŭpłyvu, jak sadavina i tłustaja ježa.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary