Nadvorje ŭ Biełarusi viarnułasia ŭ klimatyčnuju normu, i tolki Homiel adznačyŭsia 5 maja novym tempieraturnym rekordam, paviedamlaje BiełTA.
«Na bolšaj častcy krainy stała zaŭvažna chaładniej. Kali 4 traŭnia ŭ Minsku tempieratura dasiahnuła anamalnych 30 hradusaŭ ciapła, to ŭžo 5 maja viarnułasia ŭ normu — apuściłasia da 20 hradusaŭ. Tolki ŭ paŭdniova-ŭschodniaj častcy Biełarusi jašče zachoŭvalisia rekordna vysokija tempieratury. Naprykład, u Homieli było 30,1 hradusa. Papiaredni tempieraturny rekord u hetym abłasnym centry — 26,6 hradusa — trymaŭsia z 1970 hoda», — raspaviali ŭ Respublikanskim centry pa hidramietearałohii.
Pa prahnozach sinoptykaŭ, u niadzielu, 6 maja, u Biełarusi čakajecca pieramiennaja vobłačnaść, pieravažna biez apadkaŭ, tolki ŭ asobnych rajonach pa paŭdniovym uschodzie krainy projduć nievialikija karotkačasovyja daždžy, mahčymyja navalnicy. Viecier budzie paŭnočny, nočču słaby, dniom umierany. Tempieratura pavietra dniom — 15-20 hradusaŭ vyšej za nul, pa poŭdni krainy pavietra prahrejecca da 22 hradusaŭ.
U Minsku prahnazujecca nievialikaja vobłačnaść, biez apadkaŭ. Viecier budzie paŭnočny, umierany. Tempieratura pavietra prahrejecca da plus 16-18 hradusaŭ.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary