Čynoŭnikam u administracyi prezidenta ZŠA Donalda Trampa było pieradadziena ŭkazańnie padrychtavać histaryčny samit pamiž kiraŭnikom ZŠA i lidaram Paŭnočnaj Karei Kim Čen Ynam u Sinhapury.
Pra heta sa spasyłkaj na dźvie znajomyja z płanami praviadzieńnia hetaj sustrečy krynicy paviedamlaje CNN.
Kančatkova rašeńnie, jak śćviardžaje telekanał, prymie Tramp. U sieradu, 9 maja, razmaŭlajučy z žurnalistami ŭ Biełym domie, jon, jak nahadvaje CNN, skazaŭ, što zajavić pra čas i miesca svajoj sustrečy z Kim Čen Ynam na praciahu troch dzion. Tady ž prezident ZŠA vyklučyŭ u jakaści patencyjnaha miesca pieramovaŭ z paŭnočnakarejskim lidaram viosku Pchanmundžom u demilitaryzavanaj zonie na miažy dźviuch Karej.
Mienavita jaje Tramp nazyvaŭ mahčymym miescam dla praviadzieńnia takoha samita. Taksama raniej, jak adznačaje telekanał, Tramp zhadvaŭ u suviazi z hetym i Sinhapur.
Horad-dziaržava, raźmieščany na vyspach u Paŭdniova-Uschodniaj Azii, na dumku apytanych CNN čynoŭnikaŭ u administracyi amierykanskaha lidara, źjaŭlajecca bolš prymalnym miescam dla sustrečy Trampa i Kim Čen Yna z-za svajoj addalenaści ad Pchieńjana.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary