Baćki niemaŭlat, jakim treba rabić pryščepku BCŽ (suprać tubierkulozu), sutyknulisia z prablemaj: u stalicy niama vakcyny.
Zahadčyca dziciačaha adździaleńnia 1-ha haradskoha supraćtubierkuloznaha dyspansiera Maryna Leŭčanka patłumačyła «Našaj Nivie»: «Sapraŭdy, baćkam, jakija chacieli hetymi dniami zrabić dziciu BCŽ, daktary vymušanyja byli admović. Pryčyna — zakončyŭsia termin prydatnaści vakcyny. A vakcynu tuju ŭ Biełarusi nie vyrablajuć, pryvoziać z Rasii, tamu i zdaryŭsia taki pieraboj».
Kali vakcyna pastupić u palikliniki, pakul nieviadoma.
Pryčym niemahčymaść zrabić BCŽ aznačaje, što ssoŭvajecca i hrafik nastupnych vakcynacyj.
Na pytańnie, jak zaścierahčy svajo dzicia ad infiekcyi, pakul vakcyny niama, Maryna Leŭčanka adkazała: «Bierahčy siabie i dzicia, mienš chadzić ź dziciačym vazkom u handlovych centrach, paźbiahać miescaŭ ź vialikaj kolkaściu ludziej».
Kamientary