Premjer-ministr Makiedonii Zoran Zajeŭ zajaviŭ, što kampramisnym varyjantam pierajmienavańnia krainy stała nazva Respublika Ilindenskaja Makiedonija. Jon adznačyŭ, što ŭžo abmierkavaŭ novuju nazvu sa svaim hrečaskim kaleham Aleksisam Cyprasam, pieradaje The Washington Post.
«Respublika Ilindenskaja Makiedonija źjaŭlajecca mahčymym kampramisam»,
— zajaviŭ Zajeŭ.
Premjer-ministr paviedamiŭ, što pa pytańni pierajmienavańnia budzie praviedzieny refierendum.
Paśla abviaščeńnia niezaležnaści ad Juhasłavii ŭ 1991 hodzie Makiedonija vyklikała abureńnie Hrecyi, pakolki vykarystała nazvu adnajmiennaha hrečaskaha rehijona, jaki raźmieščany na poŭnačy Hrecyi, na miažy z Makiedonijaj.
Z ulikam hetaj sprečki Hrecyja błakavała dałučeńnie Makiedonii da NATA i ES.
Razhlad hetaj sprečki daść šturšok pierśpiektyvam Makiedonii ŭstupleńnia ŭ ES i NATA.
«Ilinden» — heta makiedonskaja nazva Dnia Śviatoha Illi, 2 žniŭnia, šanavanaha chryścijanskaha śviata. U toj dzień u 1903 hodzie makiedonskaja nacyjanalistyčnaja arhanizacyja ŭźniała tak zvanaje Krušaŭskaje paŭstańnie suprać turkaŭ. Toj dzień ličycca pačatkam ruchu za niezaležnaść krainy.
Kamientary