«Abo ty pracuješ, abo žyvieš u kredyt. Ja abraŭ pieršy varyjant». Dyzajnier Jaŭhien Byčkoŭski pra Baranavičy, płahijat i žyćcio anłajn
Jaŭhien Byčkoŭski — adzin z samych papularnych biełaruskich dyzajnieraŭ sumak, zaplečnikaŭ i aksesuaraŭ. U jaho tysiačy padpisantaŭ u roznych sacsietkach, svaje kramy i vialikaja kamanda padnačalenych. Pry ŭsim hetym chłopcu z Baranavičaŭ tolki 24 hady.
Niadaŭna ŭ Jaŭhiena zapuściłasia i ŭłasnaja liniejka adzieńnia. Z hetaj nahody my naviedali jaho ŭ rodnym horadzie i raspytali pra płany na budučyniu.
Kaściumy z novaj kalekcyi adzieńnia dyzajniera.
Paśla taho, jak Jaŭhien raźvitajecca z nami, jon zajedzie ŭ ofis, dzie stvarajucca novyja rečy i hienierujucca idei. Zdobryć heta dziasiatkam storys u instahramie, dadaść u stužku niekalki fota ź junymi prychilnicami, jakija adznačyli jaho na sumiesnych fota ciaham dnia, sustreniecca ź niekalkimi patrebnymi ludźmi. Dla siabroŭ času nie budzie iznoŭ…
![](http://nashaniva.com/img/w732d4webp1/photos/z_2018_05/cjm0ne_ohvs-wg7px.jpg.webp)
«Kali ŭ ciabie niama času tusavacca ź siabrami, ty ŭ lubym vypadku budzieš dla ich mudakom. Ale treba razumieć: abo ja pracuju, kab potym mieć čas na pryjemnaści, abo žyvu ŭ kredyt. Ja vybraŭ pieršy varyjant».
U svaje 24 hady Jaŭhien maje ŭłasny brend, kiruje svajoj kampanijaj.
«I ŭsie maje cikavaści na dadzienym etapie padparadkavanyja pracy. Mnie, na žal, brakuje času na adpačynak, nie chapaje času čytać niejkuju mastackuju litaraturu. Heta jak kupić pyłasos i pry hetym čytać Turhienieva. Čytać treba instrukcyju da pyłasosa! Viedajecie, jak strašna było najmać na pracu pieršych ludziej?».
A pačynałasia ŭsio z partfiela, zroblenaha sa starych džynsaŭ, i ŭhavorvańniaŭ siabroŭ, što Jaŭhien pašyje im niejkuju reč, kali siabry daduć 50 kapiejek na furnituru.
Pieršy svoj partfiel Jaŭhien addaŭ siabru, a jon, u svaju čarhu, pieradaryŭ svajoj siabroŭcy.
«A jana, vidać, nie mocna na mianie staviła, bo, nakolki ja viedaju, prosta vykinuła tuju reč».
Mahčyma, dziaŭčyna paśpiašałasia heta zrabić, bo ŭ mahazinie Jaŭhiena siońnia za škłom staić pieršaja sumka, jakuju kaliści pradaŭ małady dyzajnier.
![](http://nashaniva.com/img/w732d4webp1/photos/z_2018_05/akywywurrvo-wmuzr.jpg.webp)
Ułasny mahazin u centry Jaŭhien adkryŭ u listapadzie minułaha hoda.
«My doŭha jaho adkryvali, pradumyvali interjer, ja pryciahnuŭ siudy svaju staruju mašynku, sapraŭdnyja fota za pracaj. I siońnia ja mahu skazać, što ščaślivy, bo mahu ŭsim hetym zajmacca».
![](http://nashaniva.com/img/w732d4webp1/photos/z_2018_05/bhicippe_is-tsdwc.jpg.webp)
![](http://nashaniva.com/img/w732d4webp1/photos/z_2018_05/0zi8v9wgef4-81mau.jpg.webp)
Pakul my znachodzimsia ŭ mahazinie, u kramu zachodzić žančyna, jakoj było dastatkova 30 siekund, kab pahladzieć na pieršy ceńnik i z abureńniem vyjści na vulicu: «Kamu patrebnyja hetyja sumki za paŭtara miljona?».
«Ja razumieju hetuju žančynu. Dla jaje heta prosta sumka. A ja nie pradaju prosta sumki. Ja raskazvaju svaju historyju. Ja viedaju šmat vypadkaŭ, kali ludzi, dziakujučy maim rečam, znajomilisia, sustrakalisia. Prodaž sumki — heta bartar. Ludzi mnie hrošy — ja im čarhovuju dzivosnuju historyju, jakaja moža zdarycca tolki tady, kali čałaviek nabudzie reč z nadpisam BYCKOVSKI».
Pytajusia: «Adkul u vas adrazu była ŭpeŭnienaść, što toje, što vy šyjecie, budzie padabacca žančynam?».
«Ja prosta heta viedaju, i ŭsio. Jość ža ŭ śviecie rečy, pryhažość katorych nie treba tłumačyć. Darečy, vy zaŭvažyli, što na svajoj staroncy ŭ instahramie ja nie pradaju rečy? I aktyŭnaść u sacsietkach maja mienavita takaja: «Hety chłopiec zdymaje prykolnaje videa, i sam jon prykolny». Ludzi bačać, što ja viasioły i robiać vysnovu, što sumki ŭ mianie taksama kłasnyja. Nu i kamu ja budu cikavy jak dyzajnier, kali nie budu aktyŭnym u sacyjalnych sietkach?».
![](http://nashaniva.com/img/w732d4webp1/photos/z_2018_05/xao60i8rukc-njals.jpg.webp)
Adnak adkrytaść u siecivie syhrała ź Jaŭhienam zły žart.
«Ja rychtavaŭ kałabaracyju: brend «Byčkoŭski» i brend adnaho abutku. Raskazvaŭ pra heta na svajoj staroncy. Zdymali videa z fabryki, dzie šyŭsia hety abutak. I adna firma adździeńnia prosta ŭziała hatovuju ideju i zrabiła svajo. A ŭ mianie na składzie da hetaha zachoŭvajucca pratatypy taho abutku. Nu što ž zrobiš? Budu pracavać nad niečym inšym. I zrabiŭ vysnovu, što nie treba ŭsim dzialicca ŭ siecivie».
Praŭda, vysnova nie ŭsim dzialicca z padpisantami ŭ instahramie nie raspaŭsiudžvajecca na asabistaje žyćcio Jaŭhiena i jaho žonki Ryty. Kožny dzień padpisanty Jaŭhiena (a ich bolš za 14 000 čałaviek) nazirajuć, čym žyvie maładaja para i ich kotka.
![](http://nashaniva.com/img/w732d4webp1/photos/z_2018_05/tx8h5xzwk08-3dc7w.jpg.webp)
«Ryta — samaja lepšaja žonka na śviecie. Jana razumnica. Ryta pasłuchmianaja. A pasłuchmianaść nie byvaje biez 100% davieru. Jana daviaraje mnie, ja joj».
Kali para ažaniłasia, maładyja byli znajomyja pamiž saboj mienš za miesiac.
«Kali ja zrazumieŭ, što kachaju Rytu, to skazaŭ, što ŭ mianie niama času zajmacca hłupstvami kštałtu spatkańniaŭ, uzdychaŭ i hetak dalej. «Ryta, kažu ja joj, treba chutčej ažanicca, tamu što ŭ mianie kuča inšych spraŭ. I kali ŭ ciabie takoje ž pačućcio, davaj zakryvać pytańnie».
Zdavałasia b, da čaho jašče imknucca: pryhažunia-žonka, paśpiachovy biznes, papularnaść…
«Kali ciabie viedajuć u Baranavičach, heta nie papularnaść. Što dalej? Imknucca być lepšym za siabie. Tamu ja pachudzieŭ na 60 kiłahramaŭ i praciahvaju hety praces».
![](http://nashaniva.com/img/w732d4webp1/photos/z_2018_06/-1-tottf.jpg.webp)
Piać «niazručnych» pytańniaŭ dyzajnieru Byčkoŭskamu
«Nina»: Ci praŭda, što vy rečy sa skurazamianialnikaŭ pradajecie pad vyhladam skuranych?
— Vy što! Heta było b nie prosta nieetyčnym, a navat złačynnym dziejańniem! Kali čałaviek zamaŭlaje ŭ mianie reč sa skury, my šyjem skuranuju. Kali prosić z zamianialnika, to i atrymoŭvaje adpaviednuju reč. Nijakich chitrykaŭ. Usio adkryta.
«Nina»: Złyja jazyki śćviardžajuć, što vy krali idei dla svaich prac u inšych dyzajnieraŭ?
— Hetyja złyja jazyki tak havaryli ŭ 2013 hodzie. Z taho času prajšło ŭžo piać hadoŭ. Usie maje pracy ŭ internecie. Adkryvajcie, paraŭnoŭvajecie, źviarajcie datu vychada majoj sumki i sumki inšaha dyzajniera. Usio prosta. A kali my čymści i padobnyja ź niekim, to tym, što zamaŭlajem materyjały ŭ adnym i tym ža miescy.
«Nina»: Ci praŭda, što vy ŭ sacyjalnych sietkach vydalajecie drennyja vodhuki pra vašy vyraby?
— Tak. Tamu što akramia adnaho-dvuch čałaviek, jakim sapraŭdy niešta nie spadabałasia, takija vodhuki pišuć «dobrazyčliŭcy». A takija pravakacyi psujuć reputacyju.
«Nina»: Ci praŭda, što ŭ vas nakručanyja padpisčyki u sacyjalnych sietkach?
— Što??? Dy jak vy takoje mahli zapytacca?! U mianie 100 tysiač padpisčykaŭ u «Instahramie» i 150 tysiač va «Ukantakcie». I ŭsie jany sapraŭdnyja! Kali b vy chacieli mianie padłavić na niečym, treba było pravieści ŭłasnaje rasśledvańnie i zapytacca ŭ mianie pra jaho vyniki. Naadvarot, ja vydalaju «botaŭ». Bo prodažy robiacca ź jakasnaj aŭdytoryi. Nakručanyja padpisčyki, łuchta jakaja…
«Nina»: Kolkaść pradanych vami rečaŭ ličacca sotniami, tysiačami ci dziasiatkami tysiač?
— Ja nie budu adkazvać na heta pytańnie. Ja adnojčy raskryŭ ličbu, i mnie heta vylezła bokam. Šukajcie ludziej, jakija nosiać brend Byčkoŭski. Ličycie. Nie, nu nakručanyja padpisčyki! Vy spytalisia, a mnie ciapier paŭdni pieražyvaj, što jość ludzi, jakija sapraŭdy tak dumajuć.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary