Častka ludziej źbiarecca kala Hadzińnikavaha zavodu ab 11-j, druhija - na Ŭschodnich mohiłkach a 12-j.
Častka ludziej źbiarecca kala Hadzińnikavaha zavodu ab 11-j, druhija - na Ŭschodnich mohiłkach a 12-j.
Lavon Barščeŭski i Viktar Ivaškievič atrymali adkaz ź Mienharvykankamu, u jakim dajecca dazvoł na šeście, prymierkavanaje da dnia ŭšanavańnia pamiaci prodkaŭ — Dziadoŭ 2 listapada.
Dazvalajecca zbor la ŭvachodu na Ŭschodnija mohiłki z 12:00 da 12:30, potym šeście z 12:30 da 14:30 praspektam Niezaležnaści, vulicami Kalinoŭskaha, Mirašničenki, MKAD i da Kurapataŭ.
Atrymali stanoŭčy adkaz na praviadzieńnie šeścia 2 listapada i siabry Kanservatyŭna‑chryścijanskaj partyi BNF.
Zbor udzielnikaŭ hetaj akcyi pačniecca a 10:30 kala Hadzińnikavaha zavodu (st. metro «Park Čaluskincaŭ»), šeście da Kurapataŭ praspektam Niezaležnaści, vulicami Kalinoŭskaha, Mirašničenki ad 11‑j i mitynh va ŭročyščy ad 14.30 pa 17.00.
Lavon Barščeŭski zaklikaje prychodzić da Maskoŭskich mohiłak nia tolki ź ściahami i transparantami, ale i z kvietkami, kab uskłaści ich da mahił Vasila Bykava, Uładzimiera Karatkieviča, Hienadzia Karpienki, Michasia Tkačova, Pimiena Pančanki, Ihara Hiermienčuka dy inšych vydatnych ludziej.
«Heta najpierš žałobnaja akcyja, ale i śvietłaje. My spałučajem uspamin pra pamierłych z dumaj pra budučyniu. Tamu mitynh budzie nia tolki memaryjalnym. Rašeńnie pravodzić akcyju z Uschodnich mohiłak prymałasia nia ŭ piku KCHP‑BNF, ci kamu‑niebudź jašče. Heta maršrut 20‑hadovaj daŭniny, jaki varta prajści i sioleta», — kaža Ł.Barščeŭski.
«U nas časta pytajucca dziela čaho my pravodzim vuličnyja akcyi, kali na siońnia niemahčyma źmianić sytuacyju ŭ krainie. Heta symbal taho, što nichto nia zdaŭsia, što my nie apuścili ruki, a naš ściah padniaty. Zaklikaŭ usich nieabyjakavych vyjści 2 listapada z tysiačami bieł‑čyrvona‑biełych ściahoŭ», — havoryć V.Ivaškievič.
Napeŭna, abiedźvie kalony złučacca na vulicy Kalinoŭskaha i pojduć va ŭročyšča razam.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary