Pa Miensku hulaje «čornaja sotnia». Hetyja tyja, chto zajmaŭsia palityčnym vyšukam na karyść biełaruskaha režymu, ale prajhraŭ bitvu z «maładymi vaŭkami» i zastaŭsia biaz pracy paśla skasavańnia adrazu troch strukturaŭ, jakija składali kaściak palityčnaha vyšuku ŭ krainie.
Pa Miensku hulaje «čornaja sotnia». Hetyja tyja, chto zajmaŭsia palityčnym vyšukam na karyść biełaruskaha režymu, ale prajhraŭ bitvu z «maładymi vaŭkami» i zastaŭsia biaz pracy. Tak ćvierdzić hazeta belaruspartisan.org.
Jana śćviardžaje, što skasavanyja adrazu try struktury, jakija składali kaściak palityčnaha vyšuku ŭ krainie: upraŭleńnie pa abaronie dziaržaŭnaha ładu i hramadzkaj biaśpieki ŭ Hieneralnaj prakuratury, upraŭleńnie pa baraćbie z karupcyjaj, a taksama dziaržaŭny centar biaśpieki infarmacyi. Zamiest ich stvorany aperatyŭna‑analityčny centar, jakija dyślakujecca ŭ budynku KDB, i mienavita jaho naviedvaŭ Łukašenka padčas svajho vizytu ŭ kamitet.
Apošni pryjezd Łukašenki ŭ budynak KDB adznačyŭsia zajavaj pra toje, što specsłužba pavinna supraćstajać suśvietnamu kryzysu, i idyjatyzm hetaha zadańnia adciahnuŭ uvahu ad hałoŭnaha. Ciaham hetaha vizytu Łukašenka, pa sutnaści, naviedvaŭ novaje siłavoje ministerstva, jakoje było stvoranaje tajemna ad hramadzkaści.
Aperatyŭna‑analityčny centar padparadkoŭvajecca asabista Alaksandru Łukašenku. U jaho aficyjnaj naźvie navat značycca frazy «pry prezydencie». Jaho kiraŭnikom pryznačany były načalnik vajennaj kontrvyviedki pamiežnych vojskaŭ, pałkoŭnik Valery Vakulčyk. Hety samy Vakulčyk dobra znajomy z pamočnikam kiraŭnika krainy pa nacyjanalnaj biaśpiecy Viktaram Łukašenkam.
Štat novaj struktury sfarmiravany z absalutna novych ludziej. Heta byłyja supracoŭniki rehijanalnych upraŭleńniaŭ KDB (tyja, katoryja «z maładych»), šmat ludziej pryjšło z pamiežnych vojskaŭ, a taksama z vajskovaj kontravyviedki.
Hazeta ćvierdzić, što z «čornymi biletami» byli zvolnienyja ŭsie kadry byłoha Dziaržsakratara Rady biaśpieki Viktara Šejmana.«Šejmanaŭski pryzyŭ» hazeta nazyvaje «čornaj sotniaj». Z zvolnienych, kaža krynica ŭ siłavych struktkrach, pašancavała tolki tym, chto zmoh dasłužycca da pensii. Usie astatnija vymušanyja byli sychodzić prosta ŭ nikudy. Pryčym, farmuliroŭka «skasavać», jakaja datyčyłasia dvuch vyšejnazvanych upraŭleńniaŭ, uvohule nie źjaŭlajecca jurydyčnaj. Heta nie «skaracić» i nie «likvidavać», kali zvolnienym vypłačvajuć kampensacyju. Bolš za toje, ludziej Šejmana nie rekamendavana brać na pracu navat va ŭpraŭleńni biaśpieki bankaŭ.
Kažuć, što Viktar Šejman sprabavaŭ procistajać hetamu, za što i papłaciŭsia pasadaj. U suviazi z hetym možna «fantaziravać», chto ž staić za arhanizacyjaj «vybuchu» na Dzień respubliki, kali vybuchovaj chvalaj Šejmana źniesła z vysokaj pasady. Siońnia Viktar Uładzimieravič znachodzicca faktyčna pad chatnim aryštam. Chacia mnohija, navat nabližanyja da ŭłady ludzi, ščyra ličać, što «Šejmanu dali achovu». Heta nie achova, heta achoŭniki.
Infarmacyju belaruspartisan.org niemahčyma pravieryć.
-
U Polščy pačaŭsia sud nad bandaj padpalščykaŭ i handlaroŭ zbrojaj, jakich najmali rasijskija śpiecsłužby. Siarod abvinavačanych troje biełarusaŭ
-
U AAN zarehistravali skarhu byłoj palitźniavolenaj Łarysy Ščyrakovaj na prymusovuju departacyju ź Biełarusi
-
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary