«Krychu papłakała z-za chimii». Dziaŭčynka ź viaskovaj škoły nabrała pry pastupleńni 398 bałaŭ z 400
Vypusknica siaredniaj škoły ahraharadka Fiadory, što ŭ Stolinskim rajonie, Viktoryja Ciarleckaja ŭ ciapierašniaj ustupnaj kampanii nabrała 398 bałaŭ z 400 mahčymych.
Viktoryja trojčy pieramahała na respublikanskaj alimpijadzie pa biełaruskaj movie i mahła atrymać siertyfikat z maksimalnym bałam pa hetym pradmiecie «aŭtamatam», ale dziaŭčyna vyrašyła prajści vyprabavańnie, kab maralna padrychtavać siabie da zdačy nastupnych testaŭ pa chimii i bijałohii.
U vyniku abituryjentka atrymała maksimalny bał atestata, «sotki» pa biełaruskaj movie i bijałohii, a chimiju zdała na 98 bałaŭ. Jak pryznałasia Viktoryja, vyniki pa chimii jaje trochi zasmucili.
«Spačatku, viadoma, troški papłakała. Chimija pryjšła apošniaj. Viadoma, mahło być 400, ale ź inšaha boku, mahło być i 350. Treba radavacca tamu, što jość. My ž atrymlivajem nie toje, što chočam, a toje, što nam treba», — raspaviała TUT.BY dziaŭčynka.
Viktoryja rychtavałasia da ŭstupnych ispytaŭ sama: «U škole ŭ mianie było svabodnaje naviedvańnie, da repietytaraŭ nie chadziła. Sama ŭsio vučyła».
Dziakujučy pieramozie na alimpijadach Viktoryja mahła biez ekzamienaŭ pastupić u luby biełaruski ŭniviersitet na profilnuju śpiecyjalnaść. Akramia taho, joj prapanoŭvali hrant na navučańnie ŭ adnoj z VNU Sankt-Pieciarburha. Adnak dziaŭčyna vyrašyła pastupać na farmaceŭtyčny fakultet Biełaruskaha dziaržaŭnaha miedycynskaha ŭniviersiteta.
Astatniuju častku «adpačynku» budučaja studentka praviadzie ź siamjoj:
«U mianie jość vydatny maleńki bracik i vydatny vialiki bracik. Budziem z małym hulać, staracca dapamahać mamie. Nu ci prynamsi staracca joj nie pieraškadžać».
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary