Dačka Vasila Žarko — dyrektarka modnych sałonaŭ pryhažości FOTY
Vice-premjer Vasil Žarko zastajecca ŭskosnym udzielnikam bujnoha raźbiralnictva — zatrymanyja dziasiatki vysokapastaŭlenych miedykaŭ, adnak jon, kolišni ministr achovy zdaroŭja, zastajecca na svabodzie.
Dačka Žarko: «Tata nie zatrymany. Ja ź im tolki što razmaŭlała»
«Naša Niva» raskazvaje pra siamju ŭpłyvovaha čynoŭnika.
U 1980-yja Vasil Žarko pabraŭsia šlubam z Nadziejaj — načalnicaj drahičynskaj kramy. Razam jany žyli ŭ Breście, paśla pierabralisia ŭ Minsk. Zaraz joj 68 hadoŭ.
U siamji Vasila i Nadziei Žarko adna dačka. Volzie 28 hadoŭ. Jana skončyła fakultet mižnarodnych adnosinaŭ BDU, praz hod vyjšła zamuž, ciapier haduje syna i dačku.
Volha Razhonava — dyrektarka sietki sałonaŭ pryhažości Pastelle Salons. Hetyja cyrulni znachodziacca ŭ handlovych centrach «Tytan» i «Zamak», a taksama ŭ hateli «Maryjot».
Žanočaja stryžka doŭhich vałasoŭ z układkaj tut moža kaštavać da 80 rubloŭ. Stolki ž možna zapłacić i za mužčynskuju stryžku.
Sietka sałonaŭ maje dačynieńnie da łatvijskaha biznesu, jaki zasnavaŭ jaje muž, 39-hadovy Rusłan Razhonaŭ (Ruslans Razgonovs).
«Jaho stvaryli dva na toj čas maładyja prafiesijanały — Rusłan Razhonaŭ i Edhar Zabłocki. Dla taho, kab realizavać nazapašany vopyt, šmatlikija zadumki i vielizarny patencyjał majstram brakavała tolki adnaho — sustreć adzin adnaho. Kali heta adbyłosia, ahulnaje bačańnie raźvićcia industryi mody i žadańnie padaryć ludziam maksimalnuju svabodu realizacyi ich idej, dazvoliła siabram nieŭzabavie stać jašče i partniorami — u 2005 hodzie Rusłan i Edhar adkryli pieršy sałon Pastelle», — raskazvajecca na sajcie kampanii.
Niekalki miesiacaŭ tamu Volha Razhonava atrymała ŭ padarunak ad baćkoŭ apartamienty ŭ Drazdach — kvateru płoščaj bolš za 120 kvadratnych mietraŭ. Heta padzieja supała pa časie z tym, što za Nacyjanalnaj biblijatekaj skončyłasia budaŭnictva siamiejnaha katedža płoščaj kala 500 kvadratnych mietraŭ.
Čytajcie taksama:
Pa śladach Pastajałki: jak Vasil Žarko zrabiŭ karjeru ministra achovy zdaroŭja
Vice-premjer Vasil Žarko dabudavaŭ katedž na 500 m2 u zakrytym elitnym pasiołku
Dzie žyvuć i čym zajmajucca dzieci biełaruskich top-čynoŭnikaŭ FOTY
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary