Druhi dzień na Elbrusie šukajuć alpinista, jaki sarvaŭsia z vyšyni pry ŭzychodžańni pa turystyčnym maršrucie ŭ Čarekskim rajonie Kabardzina-Bałkarskaj Respubliki (Rasija). Pavodle papiaredniaj infarmacyi, havorka idzie pra 54-hadovaha biełarusa.
17 lipienia pry ŭzychodžańni pa turystyčnym maršrucie ŭ ciaśninu Biezienhi na viaršyni Ukiu (vyšynia 4334 mietry) sarvaŭsia čałaviek. Sihnał pastupiŭ ź bližejšaha alpłahiera.
Viadoma, što mužčyna išoŭ u składzie zarehistravanaj hrupy ź piaciarych čałaviek. Pa dadzienych TASS, tudy ŭvachodziŭ doktar i trenier.
Adrazu ž viečaram ratavalniki Elbruskaha vysakahornaha pošukavaha-vyratavalnaha atrada vyjšli ŭ hory, siońnia ŭ 9.30 pošuk praciahnuli. Tam padkreślili: dadzienyja ab tym, što paciarpieŭ biełarus, papiarednija.
«Pakul navat dakładna nieviadoma, u jakim mienavita miescy ŭsio adbyłosia. Tolki prykładny rajon. Siońnia jaho buduć šukać vosiem čałaviek i viertalot, abaviazkova», — udakładnili TUT.BY u atradzie.
Kamientary