«Siońnia ŭ našaj chacie śviata». Śpiavak Anatol Jarmolenka pradaŭ katedž-amfiteatr u Drazdach za $50 tysiač
Samy niezvyčajny budynak u minskim rajonie Viaśninka («Drazdy-2») — katedž-amfiteatr narodnaha artysta Biełarusi Anatola Jarmolenka.
Ale, jak stała viadoma «Našaj Nivie» ŭ kancy sakavika 2018 hoda dom źmianiŭ haspadara. Jaho vykupiła Volha Miniec — tak ciapier aficyjna kličuć śpiavačku Alesiu, dačku Anatola Jarmolenki.
U bazie Nacyjanalnaha kadastravaha ahienctva paznačana, što ŭ hety dzień u Minsku byŭ pradadzieny tolki adzin dom, za 97 tysiač biełaruskich rubloŭ. Heta kala $50 tysiač u ekvivalencie.
Sam Jarmolenka nie choča kamientavać, navošta praviarnuŭ takuju ŭhodu.
«Navošta vam heta treba? Heta našy siamiejnyja pytańni. Ja nie chacieŭ by adkazvać», — paviedamiŭ jon.
Dzie ciapier budzie žyć artyst, jon nie skazaŭ. Ale, kaža, nie za miažoj.
«Ja žyŭ, žyvu i budu žyć u Biełarusi», — zapeŭniŭ Jarmolenka.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary