Mikita Badziakoŭski staŭ pieramožcam turniru HK$2000000 Main Event, jaki prachodziŭ u miežach sieryi Triton Super High Roller Series u paŭdniovakarejskim horadzie Čedžu, paviedamlaje belmir.by. Pryzavyja biełaruskaha hulca ŭ vyniku skłali 41 250 000 hankonskich dalaraŭ, što ŭ pieraliku roŭna prykładna 5 215 000 amierykanskich dalaraŭ.
Dadzieny vyjhryš — samy bujny nie tolki ŭ karjery samoha Mikity, ale i ŭ cełym za ŭsiu historyju vystupleńnia biełaruskich pakierystaŭ na «žyvych» turnirach. A sukupnyja pryzavyja našaha suajčyńnika ŭ «žyvych» turnirach užo pieravalili za 16 młn dalaraŭ.
Treba dadać, što infarmacyja ab vyjhryšach hulcoŭ u pokier nie adlustroŭvaje ich realny asabisty hrašovy bałans. Pa-pieršaje, navat z atrymanaj u vyniku sumy zaŭsiody varta adniać hrošy zroblenaha hulcom ustupnaha ŭniosku.
Pa-druhoje, niaredkija vypadki, kali krynicaj srodkaŭ uniosku źjaŭlajucca inviestary, tamu hulcu dastajecca tolki častka pryzavych. Pa-treciaje, na kožny vyjhryš prypadaje šerah projhryšaŭ, jakija zastajucca «za kadram», ale hulec pry hetym pazbaŭlajecca sumy ŭniosku.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary