Ranicaj 1 žniŭnia na trasie kala Oršy sutyknulisia usiedarožnik «Tajota Łend Kruzier» i «Haziel».
Kiroŭca «Hazieli» pačaŭ razvaročvacca prosta pasiarod trasy. U momant, kali mašyna stała pierpiendykularna prajeznaj častcy, u rajon paliŭnaha baka udaryła «Tajota». Abiedźvie mašyny zaharelisia.
U vyniku DTZ kiroŭca «Hazieli» i adna pasažyrka z apiokami cieła roznaj stupieni dastaŭleny ŭ Aršanskuju balnicu, druhaja žančyna zhareła na miescy.
DAI vykłała videa z rehistratara Tajoty — na im bačny momant niepasredna pierad avaryjaj.
Paźniej pamior u balnicy i kiroŭca «Hazieli», piša aŭtamabilny partał abw.by.
29-hadovy chłopiec atrymaŭ apioki 4-j stupieni 100% cieła. Šancaŭ u jaho nie było.
Pa infarmacyi abw.by, «Haziel» naležała mahiloŭskamu pradpryjemstvu «Mahateks». Zahinułaja žančyna pracavała pradavačkaj. U «Hazieli» była jašče adna pasažyrka, ciažarnaja maładaja žančyna. Jaje dastavili ŭ reanimacyju z surjoznymi apiokami.
Darečy, ani kiroŭca Tajoty, ani dvoje jaho pasažyraŭ nie paciarpieli.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary