Kampanija apieratar Nord Stream 2 AG pravodzić padrychtoŭčyja pracy dla budaŭnictva trubapravoda «Paŭnočny patok - 2» u terytaryjalnych vodach Hiermanii, Finlandyi i Šviecyi. Pra heta paviedamiŭ u sieradu TASS aficyjny pradstaŭnik hetaj kampanii Jens Miuler.
Jon skazaŭ, što «padrychtoŭčyja raboty vykonvajucca ŭ finskich vodach (takija, jak kładka kamianioŭ - zaŭv. TASS) i ŭ šviedskich vodach (takija, jak bietonnyja matracy dla kabielnych skryžavańniaŭ - zaŭv. TASS)».
Miuler nahadaŭ, što 24 lipienia sudna Castoro 10 «pačało padrychtoŭčyja pracy pa ŭkładcy trub», zaniaŭšy zychodnuju pazicyju na płytkavodździ pablizu Lubmina (Hiermanija).
«Paŭnočny patok - 2» - prajekt pašyreńnia dziejnaha mahistralnaha hazapravoda «Paŭnočny patok», jaki złučaje Rasiju i Niamieččynu pa dnie Bałtyjskaha mora. Trubapravod u cełym paŭtaraje maršrut «Paŭnočnaha patoku» i projdzie praz vyklučnyja ekanamičnyja zony i terytaryjalnyja vody piaci dziaržaŭ: Rasii, Finlandyi, Šviecyi, Danii i Hiermanii. Jaho praciahłaść pieravysić 1,2 tys. km, prapusknaja zdolnaść - 55 młrd kub. m hazu ŭ hod. Uvod u stroj «Paŭnočnaha patoku - 2» pryznačany na kaniec 2019 hoda.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary