Alaksandru Łukašenku paviedamili ab prapanovach pa kadravych pryznačeńniach va ŭradzie, a taksama pa zamienie inšych słužbovych asob. Adpaviednaja narada prachodzić u Minsku ŭ Pałacy Niezaležnaści.
Na sustrečy prysutničali kiraŭnica Administracyi prezidenta Natalla Kačanava, śpikiery parłamienta Uładzimir Andrejčanka i Michaił Miaśnikovič, ministr zamiežnych spraŭ Uładzimir Makiej, staršynia Dziaržkantrolu Leanid Anfimaŭ, staršynia KDB Valeryj Vakulčyk, načalnik Apieratyŭna-analityčnaha centra Andrej Paŭlučenka. Premjer-ministra Andreja Kabiakova na abmierkavańni kandydatur budučych ministraŭ nie było.
«U praciah našaj razmovy ŭ Aršanskim rehijonie ŭ častcy kadravych pryznačeńniaŭ i pierasoŭvańniaŭ ja śpiecyjalna paprasiŭ, i troje sutak Administracyja prezidenta razam z kiraŭnikami parłamienta, staršynioj Kamiteta dziaržkantrolu pracavała nad uniasieńniem tych kandydatur, jakija pavinny być uniesieny zhodna z maimi daručeńniami pa pryznačeńniach va ŭradzie i ŭ suviazi z zamienaj niekatorych słužbovych asobaŭ. Jak i damaŭlalisia, siońnia Natalla Ivanaŭna (Kačanava) paviedamić uzhodnienuju abo niaŭzhodnienuju pazicyju pa hetych pytańniach», — skazaŭ kiraŭnik krainy.
«Ja viedaju, što byli praviedzieny kansultacyi i z hramadskimi arhanizacyjami i inšymi. Dumaju, što ja taksama pasłuchaju ich mierkavańnie pierad tym, jak pryznačać novych členaŭ urada i inšych słužbovych asob. Jasna, što siońnia my razhledzim niekatoryja kandydatury, jakija prapanoŭvalisia vami i byli rekamiendavanyja mnoju dla razhladu», — adznačyŭ Alaksandr Łukašenka.
Jon źviarnuŭ uvahu, što jość niadrennyja pasły, jakija atrymali peŭny vopyt raboty. «I vielmi navat dobryja kandydatury ź liku dypłamatyčnaha korpusa. Pasłuchajem mierkavańnie i ministra zamiežnych spraŭ u častcy pradstaŭlenych kandydatur z dypkorpusa», - skazaŭ jon.
«Śpiektr kandydatur dosyć šyroki, i davajcie my hetyja kandydatury razhledzim. Ale pytańnie treba vyrašać, nie zaciahvajučy, kab nie dapuścić niekantralavanaha raźvićcia niekatorych, pierš za ŭsio niehatyŭnych, pracesaŭ u ekanomicy, - padkreśliŭ biełaruski kiraŭnik. — Choć ja nie chaču dramatyzavać situacyju. Ministry na miescach, viedamstvy pracujuć, hubiernatary na miescy. Kiravalnaść u nas prosta nie moža być stračana».
Na naradu byli zaprošanyja staršynia KDB Valeryj Vakulčyk i načalnik Apieratyŭna-analityčnaha centra pry Prezidencie Biełarusi Andrej Paŭlučenka. «Kab potym nie było razmoŭ: tyja, nie tyja kandydatury. Naturalna, što jany kantralujuć svaimi viedamstvami antykarupcyjny składnik słužbovych asob kadravaha rejestra prezidenta. Kali ŭ ich jość niejkija pytańni pa kandydaturach, jakija buduć abmiarkoŭvacca, jany vykažuć», - rastłumačyŭ Alaksandr Łukašenka.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary