Pavodle Suśvietnaha banka, u suviazi z hlabalnym kryzysam biadniejšyja krainy śvietu čakaje źnižeńnie hrašovych pieravodaŭ z‑za miažy.
Pavodle Suśvietnaha banka, u suviazi z hlabalnym kryzysam biadniejšyja krainy śvietu čakaje źnižeńnie hrašovych pieravodaŭ z‑za miažy.
Pavodle prahnozaŭ Suśvietnaha banku, pieravod hrošaj u krainy, što raźvivajucca, sioleta jašče vyraście na 6,7 pracenta i składzie 283 miljarda dalaraŭ. Ale zapavolvańnie ekanamičnaha rostu na Zachadzie, a taksama ŭ Rasiei, Kazachstanie, Ukrainie pamienšyć pierasyłku hrošaj pracoŭnymi mihrantami. Eksperty Suśvietnaha banku čakajuć istotnaha spadu pa vynikach 2009—10 hadoŭ.
U dziesiatcy krain, u jakija najbolš pieravodziacca zaroblenyja suajčyńnikami za miažoj hrošy, uvachodziać Indyja, Kitaj, Meksyka, Filipiny, Polšča, Rumynija. U Kitaj ciaham hetaha hodu, jak čakajecca budzie pieraviedziena 30 miljardaŭ dalaraŭ, u Polšču —11 miljardaŭ.
Dasłanyja z‑za miažy hrošy časam źjaŭlajucca važniejšaj krynicaj materyjalnaha zabieśpiačeńnia biednych krain. Naprykład, pierasyłka hrošaj z‑za miažy składaje 45 pracentaŭ ad vałavoha ŭnutranaha praduktu (VUP) Tadžykistana, 38 pracentaŭ — Małdovy.
Biełaruś na hetym fonie vyhladaje bolš ścipła. U 2006 hodzie ŭ krainu było pierasłana 334 miljony dalaraŭ, što składaje 0,9 pracenta VUP. Takaja ž suma pieravodaŭ hrošaj była zafiksavanaja i letaś.
Eksperty Suśvietnaha banku aceńvajuć lik emihrantaŭ ź Biełarusi ŭ 1 miljon 800 tysiač čałaviek, što składaje 18,4 pracenta ad ahulnaj kolkaść nasielnictva. U dziesiatcy krain, u jakija biełarusy najčaściej jeduć na zarobki, uvachodziać Rasieja, Ukraina, Polšča, Litva, Kazachstan, ZŠA, Izrail, Niamieččyna, Łatvija, Estonija.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli57
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary