«Moj siabar žyrafa» pa-biełarusku: 1 vieraśnia dzieci atrymajuć padarunki ŭ kinateatrach Minska

30 žniŭnia ŭ ramkach prajekta «Biełaruskija ŭikendy» adbyłasia biełaruskamoŭnaja premjera filma «Moj siabar žyrafa».

Heta novy film vytvorčaści Niderłandaŭ. Ahučku i pierakład stužki vykanała kampanija «Kinakonh» pry padtrymcy kampanii velcom.

1 vieraśnia ŭ honar pačatku navučalnaha hoda ŭsie daškolniki i małodšyja školniki atrymajuć padarunki ad «Biełaruskich uikendaŭ». Tematyčnyja malavanki z hierojami novaha filma «Moj siabar žyrafa ŭ Biełarusi» buduć uručany junym hledačam na standartnych sieansach filma ŭ Minsku.

Pavialičyć

Film «Moj siabar žyrafa», źniaty pavodle tvora niderłandskaj kazačnicy Ani Šmidt, raspaviadaje historyju mocnaha siabroŭstva zvyčajnaha chłopčyka z žyrafam pa imieni Raf, jaki ŭmieje havaryć.

Na śpiecyjalnym pakazie ŭ Minsku, jaki prajšoŭ 30 žniŭnia ŭ kinateatry «Maskva», film u biełaruskaj ahučcy pradstavili ambasadar Karaleŭstva Niderłandy ŭ Respublicy Biełaruś Paŭł van Aastvejn, kiraŭnik prajekta «Biełaruskija ŭikendy» Andrej Kim, kiraŭnik adździeła karparatyŭnych kamunikacyj velcom Mikałaj Bredzieleŭ.

A kožnaje dzicia atrymała padarunak ad arhanizataraŭ — tematyčnuju malavanku ź Dzikieče, Rafam i inšymi hierojami filma «Moj siabar žyrafa».

«Moj siabar žyrafa» — heta vielmi dobraja, pavučalnaja historyja pra siabroŭstva dla ŭsioj siamji, najlepšy film dla pakazu 1 vieraśnia.

U malavankach dzieci zmohuć zachavać jaskravyja ŭspaminy pra film, jaho znachodlivych hierojaŭ, pra bieskłapotnyja letnija dni.

Dumaju, pačatak navučalnaha hoda ź viasiołaj historyjaj na biełaruskaj movie stanie dla dziaciej i ich baćkoŭ adnym z samych ciopłych siamiejnych uspaminaŭ. Film asabliva spadabajecca tym junym hledačam, jakija hetak ža, jak i jaho hałoŭny hieroj, źbirajucca ŭ pieršy kłas»,

— padzialiŭsia kiraŭnik prajekta «Biełaruskija ŭikendy» Andrej Kim.

Pa inicyjatyvie velcom upieršyniu ŭ historyi prajekta «Biełaruskija ŭikendy» prakat stužki startavaŭ u Viciebsku, a paśla praciahnuŭsia ŭ inšych haradach.

«My rady, što ŭ hledačoŭ pa ŭsioj krainie budzie mahčymaść pahladzieć kino na biełaruskaj movie», — adznačyŭ načalnik adździeła karparatyŭnych kamunikacyj velcom Mikałaj Bredzieleŭ.

U Minsku da 5 vieraśnia ŭklučna film buduć pakazvać u kinateatrach «Aŭrora», «Biełaruś», «Dom kino», «Kijeŭ», «Mir», «Kastryčnik», «Pijanier», «Rakieta», «Salut», «Centralny», Falcon Club, a taksama ŭ kinatetrach sietki Silver Screen, uklučna z velcom cinema.

Ad 6 da 12 vieraśnia film «Moj siabar žyrafa» možna budzie pabačyć u kinateatrach «Aŭrora», «Biełaruś», «Kijeŭ», «Mir» i «Rakieta».

U kinateatrach «Dom kino» i «Pijanier» apošnija sieansy stužki projduć 8—9 vieraśnia.

Bilety na pakazy možna nabyć anłajn i ŭ kasach kinateatraŭ. Za abnaŭleńniami prajekta sačycie na sajtach kinakong.by i velcom.by.

Pavialičyć

Paśla prakatu ŭ kinateatrach film stanie dastupny na płatformie VOKA — u śpiecyjalnym raździele «CINEVOKA — kino pa-biełarusku». U im pradstaŭlena 17 kultavych stužak suśvietnaha kiniematohrafa, u tym liku ahučanyja ŭ ramkach prajekta «Biełaruskija ŭikendy» stužki «Rybka Pońjo», «Maleńki prync», «Kniha Iłaja», «Padynhtan», «Žonka ahladalnika zaaparku». Raździeł «CINEVOKA — kino pa-biełarusku» dastupny dla prahladu padpisčykam pakieta «VOKA videa».

U ramkach prajekta «Biełaruskija ŭikendy», jaki realizujecca kampanijaj «Kinakonh» pry padtrymcy velcom, viadomyja pradstaŭniki teatra i kino Biełarusi biaruć udzieł u pierakładzie i ahučcy na biełaruskuju movu zamiežnych filmaŭ, jakija zatym demanstrujucca ŭ šyrokim prakacie. Siarod ich — «Chroniki Narnii: leŭ, viadźmarka i harderob», «Maleńki prync», «Forest Hamp», «Štorm», «Žonka ahladalnika zaaparku», «Kniha Iłaja», «Tajamnica Kiełza», «Tajemnaje žyćcio Uołtera Mici», «Rybka Pońjo»… Ciapier kalekcyju papoŭnić i novy film ź Niderłandaŭ «Moj siabar žyrafa».

• 0
• 0
• 0
• 0
• 0
• 0
• 0
• 0