Rasijskaja avijacyja, jak paviedamlajuć ŚMI, naniesła ŭdary pa pazicyjach uzbrojenaj apazicyi ŭ siryjskaj pravincyi Idlib, piša Bi-bi-si.
Jak śćviardžaje centr manitorynhu pravoŭ čałavieka ŭ Siryi, samaloty rasijskich Vajskova-kaśmičnych sił u aŭtorak ździejśnili kala 30 vyletaŭ i nanieśli ŭdary pa celach u zachodnim Idlibie, u harach Łatakii i ŭ dalinie Al-Hab.
Ab udarach taksama paviedamiła infarmacyjnaje ahienctva Step News, jakoje padtrymlivaje apazicyju. Anatalijskaje ahienctva navinaŭ sa spasyłkaj na krynicy ŭ siryjskaj apazicyi paviedamiła, što try rasijskija źniščalniki, jakija padnialisia ŭ pavietra z avijabazy Chmiejmim, nanieśli 20 udaraŭ.
Dakładnych dadzienych ab zahinułych i paranienych pakul niama.
Jak adznačaje centr manitorynhu pravoŭ čałavieka ŭ Siryi, heta pieršyja ŭdary rasijskaj avijacyi za 22 dni.
Pres-sakratar rasijskaha prezidenta Dźmitryj Piaskoŭ nie staŭ kamientavać paviedamleńni ab avijaŭdary pa Idlibu, adznačyŭšy, adnak, što tam «sfarmavałasia hniazdo teraryzmu», što «viadzie da ahulnaj destabilizacyi abstanoŭki».
«My viedajem, što siryjskija uzbrojenyja siły rychtujucca da vyrašeńnia hetaj prablemy», — zajaviŭ jon.
Situacyja jość pahrozaj dla rasijskaha punkta časovaha bazavańnia ŭ Siryi, dadaŭ Piaskoŭ.
«Ja nie maju, naturalna, apieratyŭnaj infarmacyjaj pra toje, što robiać našy vajskoŭcy», — skazaŭ pres-sakratar prezidenta, adkazvajučy na adpaviednaje pytańnie žurnalistaŭ. Jak paviedamlaje ahienctva Interfaks, jon paraiŭ źviartacca z hetym pytańniem u ministerstva abarony.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary